Kriştianu Ronaldu qatorasiga ikkinçi bor boşlanğiç tarkibdan örin olmadi. Santuş Şveytsariyaga qarşi öyinda het-trik qilgan Gonsalu Ramuşga yana işonç bildirdi. Avvalgi öyin oldidan murabbiy Ronaldu bilan alohida gaplaşib olgani ma’lum bölgandi. Pley-off startidagi öyinda boşlanğiç tarkibdan örin olmasligi haqida sardor öyin kunidagi tuşlik vaqtidayoq xabardor bölgandi. Öyindan söng OAVda portugaliyalik yulduz jamoa qarorgohini tark etmoqçiligi haqida xabarlar tarqalgandi. 68 yoşli mutaxassis esa bunday miş-mişlarni rad etdi.
«U sardor, Portugaliya futboliga juda köp narsa bergan aql bovar qilmas kölamdagi futbolçi. Men u bilan gaplaşib olişim kerak edi. Kriştianu rozi emasdi, çunki u doim startda tuşgan. Bu normal holat. Ammo muloqotimiz xotirjam keçdi va ikki tomon ham öz fikrini bildirdi. Unga zaxirada ötirişni qabul qiliş oson emas, ammo u terma jamoadan ketiş istagi haqida aytmagani aniq. Ronalduni tinç qöying. Portugaliya futboli uçun şunça iş qilgan inson sifatida u bunday munosabatga loyiq emas», — dedi murabbiy.
Marokaşliklarning yöqotişlari
Portugaliyalik yulduz bilan boğliq vaziyat haqida marokaşliklar boş murabbiyi Valid Rikrokiy ham munosabat bildirib ötdi. «Ronaldu öynaydimi, yöqmi, bilmayman. Umid qilamanki, öynamaydi. U tarixdagi eng yaxşi futbolçilardan biri, şuning uçun u bu öyinni ötkazib yuborsa xursand bölaman», — dedi mutaxassis. Va uning sözlari sof diplomatiyaga öxşardi. Yoki u maydonda ğazablangan va katta iştiyoqqa ega bölgan Kriştianuni körişdan çindan ham qörqardi.
Amalda «Atlas şerlari»ning öz muammolari yetarli edi. Ispaniya bilan öyinda muhim markaziy himoyaçi Agerd jarohat oldi, çorakfinal öyini arafasida esa Mazraui betob bölib qoldi. Ularning holati şu darajada ediki, qançalik istaşsa ham, ular Marokaş uçun tarixiy bölgan uçraşuvga çiqa olmasdi.
Mavzuga oid
Şu bilan birga ayni vaqtda Yurgen Klopp «Liverpul»da körişni istayotgan metin va bukilmas Amrabat maydonga tuşdi. Çunki u avvalgi öyinni ham ötkazib yuborişi haqida xabarlar tarqalgandi, Ispaniyaga qarşi öyindan keyin esa tan oldi: «Ötgan tunda men fizioterapevt bilan tungi soat uçgaça uxlamadim, öyin oldidan esa yana ukol oldim. Men yigitlarni va öz mamlakatimni taşlab qöya olmasdim».
Diaş statist rolida
Bu öyinning asosiy strategiyasini taxmin qiliş qiyin emasdi. «Şerlar» ispanlar bilan öyinda bölgani kabi raqibga hududlarni topşirdi. Şu bilan birga bir qança farqlar bor edi, çunki Portugaliya — töpga şunçaki egalik qiliş uçun egalik qilmaydi. Ular raqib hududida imkon tuğilişi bilan zarba berişga harakat qilişadi va buni yiqilayotib boş bilan zarba bergan Joau Feliş ham namoyiş etdi.
Ammo Bunu birinçi bölimning boşqa xavfli vaziyatlarida bölgani kabi bu vaziyatda ham işonçli harakat qildi. Yevropaliklar köp bor tavakkalçilik bilan oldinga borgani tufayli marokaşliklarda raqib hududida böş zonalar topişda qiyinçilik bölmadi. Ular bundan foydalanişni bilişadi, portugaliyaliklar esa dastlabki ogohlik qönğiroğini e’tiborga olişmadi.
An-Nosiri dastlabki urinişida xato zarba bergandi, havodagi ikkinçi duelda esa mamlakatning jahon çempionatlaridagi eng yaxşi töpurari ustun keldi. «Sevilya» forvardi ötgan mavsumda APLning eng yaxşi himoyaçisi deb topilgan Ruben Diaşning boşi balandligida sakradi, Çempionlar ligasida «Portu» darvozasiga belgilangan uç penaltini qaytarib şuhrat qozongan Diogu Koşta esa Qatarda navbatdagi xatosiga yöl qöydi va raqib buning uçun jazoladi.
Portugaliya tanaffus arafasida Brunu Fernandeşning zarbasi biroz pastga şönğiganida hisobni tenglaştirişi mumkin edi, ammo töp tösinga tegdi. Bir neça takrorlardan keyin u pas emas, aynan zarba bergani körindi.
📺 Watch highlighs from an historic #FIFAWorldCup win for Morocco for FREE on FIFA+ now! 🙌🇲🇦#Qatar2022
Ammo turnirning eng çiroyli gollaridan biri röy bermay qoldi, birinçi bölim statistikasi esa yevropaliklar uçun qayğuli edi. Jahon birinçiliklarida ular yetti bor dastlabki 45 daqiqalikda hisobda ortda qolişgan va bu öyinlarning oltitasida mağlubiyatga uçrab, faqat bir marta ğalabani öz tomoniga oğdira olgandi.
Yagona matonatli öyin — 1966 yilgi jahon çempionatiga töğri keladi. Bu öyin ham çorakfinalda va turnirda sensatsiya kötargan jamoaga qarşi keçgandi. Öşanda KXDR bilan öyindagi 0:3 hisobi yakunda 5:3 hisobiga özgargan, bu voqealar rivoji töliq takrorlanişi uçun şanba kuni faqat afsonaviy futbolçi benefisi yetişmadi. 56 yil muqaddam Eysebio poker qayd etgan, uşbu afsonaviy futbolçining jahon çempionatlaridagi rekordini yangilaş orzusida bölgan Ronalduda esa jasorat körsatiş uçun birgina bölim böldi.
Kriş uçun eng yaxşi davrlarida bu vaqt yetarli bölgan bölardi. Qolaversa, uning ajoyib şeriklari bor, Santuş vaziyatni önglaş uçun Joau Kanselu va Rafael Leau kabi asosiy zaxira kuçlarini ham maydonga taşladi. Ammo öyin davomida mudofaa çiziği yetakçisi, sardori Saiisni ham yöqotgan «şerlar» portugal yulduzlarining hujumlarini bartaraf etişdi va hujumning almaştirib bölmas vakillari — Ziyoş va Bufalni ham zaxiraga olib, hisobni saqlab qolişdi.
Bunu atigi bir marta, Feliş yuqori öng burçakka yöllagan zarbasini qaytariş uçun supermen rejimini yoqişiga töğri keldi. Bu vaziyatda töpni Ronaldu qulay qilib taşlab bergandi va köp ötmay uning özida ham qulay vaziyat böldi, ammo uning qarşi hujumda himoyaçilardan qoçib ketib, yaqin burçakka yöllagan zarbasini darvozabon töxtatdi. Eng yaxşi davrlarida bunday vaziyatda u jamoasini qutqargan bölardi, ammo vaqt eng buyuk futbolçilarga ham rahm qilmaydi.
Öyin yakunlangani haqidagi huştak çalingaç, u maydonni yolğiz tark etdi va köz yoşlarini tiya olmadi. Portugaliya uyiga qaytadi, Marokaş esa Afrikaning jahon çempionatlarida yarimfinalga çiqqan ilk vakiliga aylandi.
Britanlar Qatarni tark etdi, amaldagi jahon çempionlari esa yarimfinalda Marokaş bilan uçraşadi
Fransiya va Angliya jangi — nafaqat jahon sporti klassikasi, balki jahon tarixidagi qarama-qarşilik hamdir. Yuz yillik uruş va ikki derjava örtasidagi boşqa köplab qarama-qarşiliklarni yodga oliş mumkin. Lekin hozir barçani faqat futbol qiziqtiradi, bu ikki jamoa töqnaşuvi 1/4 final bosqiçida yuzaga kelgan final oldidan final böldi.
Fransiyada köpçilik öyin oldidan 0:0 hisobida Angliya mudofaasini yorib ötiş deyarli imkonsiz ekani haqida yozişdi. Britanlar esa öyinning eng kutilgan dueli: Mbappening Uokerga qarşi çiqişini memlarga aylantirişdi. «Mançester Siti» himoyaçisiga alohida bosim bor edi, çunki ayni vaqtda dunyoning eng yaxşilaridan biri bölgan bu hujumçi aynan uning qanotida xavfli harakat qiladi, şu tufayli Kayl alohida konsentratsiya talab etilardi. U esa öyindan oldin barçasini anglab turardi: «Uning yöliga qizil gilam töşamoqçi emasman. Mbappe sovrin tomon men orqali yöl boşlaşini istamayman».
Yana bir mavzu muhokamalar markazida böldi. Angliya ham, Fransiya ham bu bosqiçga qadar saviya jihatdan öziga teng raqibga duç kelmagandi, şu tufayli çorakfinalda ikki tomonni ham ulkan ambitsiyalar sinovi kutayotgandi. Va, albatta heç kimda xato qiliş huquqi yöq edi — çorakfinalda turnirni tark etiş Angliyada ham, Fransiyada ham fojia ölaroq qabul qilinardi.
Tçuamenining zambarak öqidek zarbasi
Raqiblarning yana bir umumiyligi şaffof öyinda edi. Turnir davomida barça Fransiya yuqori va faol pressing uyuştirmasligiga, Angliya Uokerning gibrid roli evaziga sxemalarni transformatsiya qilişiga könikib qoldi. Bu öyinda esa Kayl oldinga çopmasligi ravşan edi — töpga egalik qilinayotganda ham u har ehtimolga qarşi Mbappeni qöriqlaşi talab etilardi.
Şunday ham bölib çiqdi. Dide Deşam britanlar öz an’anasiga köra öyinni asta-sekinlik bilan boşlaşini tuşunib turardi, şu tufayli fransuzlar jamoasi raqibga moslaşib öynaşga qaror qildi. Mbappe va Dembele hatto ikkinçi tezlikka ham ötişmadi, Jiru esa raqib ogohligini tekşirib köriş uçun çayon uslubidagi zarbasini takrorlaşga urinib kördi. Odatiy usullar iş bermadi, şu tufayli amaldagi jahon çempionlari yaşirin qurolni işga solişdi — Tçuameni ijrosida zambarak öqidek zarba berildi. Birinçidan, u bu mavsumda hatto «Real» safida ham gol urmagandi. Ikkinçidan, bu jahon çempionatida uzoq masofadan darvozani işğol etiş holatlari juda kam kuzatilmoqda. Bu vaziyatda Tçuamenidan heç kim, jumladan inglizlar himoyaçilari ham bunday zarbani kutişmagandi.
The most beautiful goal of "Qatar World Cup" 🏆Tchouaméni shot the ball at 108 KM/h 🎇 My guy is having an amazing season at Real Madrid and also is being a key player at France, proving he is an ELITE player.😭 His first WC goal was special. So proud of him, our future is safe🤍 pic.twitter.com/tERxAdo9JL
Garet Sautgeyt jamoasi Qatarda ilk bor hisobda quvayotgan jamoa rolini bajarişiga töğri keldi, şu tufayli ham ularning öyinini kuzatiş qiziqarli edi, ammo global darajada özgariş bölmadi: ular xotirjamlik bilan öng qanotdan hujumlar uyuştirişdi, standartdan xavfli vaziyatlar yuzaga keltirişdi ... penalti söraşdi. Birinçi bölim örtalarida jarima maydoniga kiriş joyida Upamekano Keynning oyoğiga tepdi, ammo braziliyalik hakam Vilton Sampayo ham, uning videoassistentlari ham bu örinda 11-metrli nuqtani belgilamadi. Ijtimoiy tarmoqlarda kuçli şovqin kötarildi.
Angliya yaxşi öynadi, ammo çap qanotda ham kimdir öyinini kuçaytirişi talab etilardi. Saka esa öng qanotda tengsiz edi: «Arsenal» vingeri birinçi bölimda faoliyatidagi eng yaxşi öyinlaridan birini namoyiş etdi, tanaffusdan keyin ham möjizalar körsatişda davom etdi. Loris ham a’lo darajada öyin körsatdi — 47-daqiqada fransuzlar posboni Bellingemning tösin ostiga yönaltirilgan zarbasini qiyinçilik bilan tösdi.
France and England put on a thriller in their Quarter-finals matchup 🔥#FIFAWorldCup | #Qatar2022
Ammo inglizlarning goli öyindan bölmadi. Hamma joyda hozir-u nozir Sakani jarima maydoni içkarisida yiqitişdi, bu safar Sampayo ikkilanmasdan 11 metrlik nuqtani körsatdi. Keyn özining «Tottenhem»dagi köp yillik jamoadoşini doğda qoldiriş uçun uzoq öylandi, ammo töğri qaror qildi: uning kuçli zarbasi bilan hisob tenglaşdi.
Keynning penaltidan xato zarbasi
Angliyaning goli Mbappega ta’sir körsatdi: u keyingi hujumda çap qanotda tezlik olib, Uokerni ortda qoldirdi va jarima maydoni markaziga ajoyib pas uzatdi, ammo iş zarbaga qadar yetib bormadi. Gol ikkinçi tomonning öyinini ham oçdi: britanlar faollik bilan oldinga taşlanişdi va hisobda oldinga çiqib olişlari ham mumkin edi, ammo Maguayrning 70-daqiqada boş bilan bergan zarbasi ustunga tegib maydondan çiqib ketdi.
Golni esa Fransiya urdi. Avvaliga Pikford Jiruning xavfli zarbasini qoyilmaqom seyv bilan yöqqa çiqardi, ammo keyingi hujumdayoq Olive şu kabi vaziyatda Grizmanning pasini golga aylantirib, amaldagi jahon çempionlarini yana oldinga boşladi.
Sautgeyt darhol Sterling va Mauntni maydonga taşladi. Dastlabki öyinlardagi harakatlari bilan tanqidga uçragan «Çelsi» yarimhimoyaçisi öyinga yaxşi qöşildi va hal qiluvçi vaziyatda iştirok etdi. Teo uni jarima maydonida yiqitdi, Sampayo videotakrorni körib keldi va nuqtani körsatdi. Töpga yana Keyn yaqinlaşdi va Lorisni doğda qoldiriş uçun yana uzoq öylandi. Bu safar ortiqça öylab yubordi: uning zarbasi tösin yuqorisidan ötib tribunalar sari ketdi. Bu vaziyatda köpçilik tarixda qolgan Runining 2006 yilgi mundialdagi çetlatilişi yoki Sautgeytning Yevro-1996 turniridagi xato penaltisini yodga oldi.
Ammo Angliyada hali muvozanatni tiklaş uçun yetarliça vaqt bor edi. Britanlar murabbiylar ştabi futbolçi almaştirişlar bilan öyinni tetiklaştirişga urindi, Fransiya esa şunçaki kutdi — Deşam butun öyin davomida atigi bir özgariş amalga oşirdi. «Uçranglilar» xotirjamlik bilan himoyalanişdi, imkon tuğilişi bilan qarşi hujumlarga çiqişdi, ammo 100-daqiqada gol ötkazib yuborişlari ham mumkin edi. Reşford xavfli nuqtadan jarima zarbasi ijro etdi, ammo töp darvoza sohasiga aniq bormadi, köp ötmay hakamning öyin yakunlangani haqidagi huştagi çalindi. Inglizlar töp nazorati böyiça ham, xavfli vaziyatlar va zarbalar böyiça ham (14:9, 6:5) yaqqol ustunlikka ega böla turib, turnirni tark etdi.
Fransiya titulni himoya qilişda davom etadi (bunga qadar amaldagi jahon çempionlari keyingi jahon çempionatida yarimfinalga qadar yetib kelişi sönggi bor 1998 yilda kuzatilgandi, öşanda 1994 yilgi çempionlar bölgan brazillar finalga çiqib, Fransiyaga yutqazişgan) va yarimfinalda Marokaş bilan uçraşadi. Angliya esa yana yirik turnirni dramatik tarzda tark etdi — ular boşqaça keta olmaydi.
