Andijondagi yong‘inda fuqaro vafot etdi

Andijon tumanidagi xonadonda sodir bo‘lgan yong‘in oqibatida bir nafar fuqaro vafot etgan, yana biri shifoxonaga yotqizilgan. 

Tuman hokimligi axborot xizmati bergan ma’lumotlarga ko‘ra, 12 dekabr kuni soat 13:41da Andijon tumani “Sanoat” MFY Sanoatchi ko‘chasi 34-uyda yong‘in boshlangan.

Yong‘inni bartaraf etish choralari ko‘rilib, 2 ta yong‘in-qutqaruv ekipaji soat 13:43 da voqea joyiga yetib keldi va yong‘in soat 13:46 da qurshab olinib, soat 14:04 da o‘chirilgan.

Yong‘in oqibatida ushbu xonadonda yashovchi 1959 yilda tug‘ilgan M.Abdullayeva olgan tan jarohati sababli voqea sodir bo‘lgan joyda vafot etgan. Farzandi 1991 yilda tug‘ilgan Z.Abdullayev 85% kuyish jarohati bilan shifoxonaga yotqizilgan. 

Yong‘inda yashash uylarining 40 m kv qismi yonib zararlangan. Aniqlanishicha, yong‘in isitish pechidan foydalanishda ehtiyotsizlik oqibatida kelib chiqqan. 

Yong‘inni zudlik bilan bartaraf etishda yashash  uylarining 200 m kv qismi saqlab qolingan.