17:08 / 11.02.2023
27412

Toshkentda yangi qurilgan ko‘pqavat uylardan birining devorlari yorilgani aytilmoqda

Foto: Videodan kadr

Mirzo Ulug‘bek tumanida 2017 yilda qurilgani aytilayotgan ko‘p qavatli uyning devorlari yorilib ketgani aks etgan video tarqaldi. Holatdan Qurilish vazirligi xabardor, mas’ullar o‘rganish ishlarini boshlagan.

Videoda ma’lum qilinishicha, tumandagi “Oliy himmat” MFYda joylashgan bu “novostroyka”ning barcha xonalaridagi devorlari yorilib ketgan.

“Mana shu darajagacha keldi. Shu uyni “novostroyka” deb bizga aldov yo‘li bilan sotishdi. Mana shunday ahvol, oynalar va eshik yopilmaydi. Ochiq qolgan joylaridan ko‘cha ko‘rinadi”, – deydi videomurojaat muallifi.

Qurilish vazirligi holat yuzasidan o‘rganish ishlarini boshlanganini ma’lum qildi.

Eslatib o‘tamiz, 8 fevral kuni prezident jamoatchilik vakillari va mutasaddilar ishtirokidagi yig‘ilishda Toshkent shahrida bosh reja bo‘lmaguncha yangi qurilishlarga moratoriy e’lon qilinishini aytgandi.

Top