Tojikistonda bir kun ichida beshinchi zilzila yuz berdi. Bu haqda FVV Seysmoprognostik monitoring Respublika markazi xabar qildi.
23 fevral kuni Toshkent vaqti bilan soat 11:50 da Tojikistonda zilzila sodir bo‘ldi. Zilzila koordinatalari: 37,74 gradus shimoliy kenglik; 73,82 gradus sharqiy uzunlik.
Magnituda M=4,5. Chuqurlik 10 km. Zilzila episentri Toshkentdan 556 km janubi-sharqda.
Bundan oldin Tojikistonda yuz bergan zilzila O‘zbekistonning deyarli barcha hududida sezilgandi.
Tojikistonda 23 fevral kuni Toshkent vaqti bilan soat 05:37 da sodir bo‘lgan zilzila O‘zbekistonning vodiy viloyatlarida 4 ballgacha, qolgan viloyatlarda 3 ballgacha sezildi. Tojikistonda 4,5 va 4,2 magnitudali yana 4 ta aftershok qayd etildi.