Американинг Ford автомобилсозлик компанияси автокредитларни тўламасликка қарши турли усуллар билан курашувчи технология учун патент олди.
Усуллар орасида баъзи функцияларни чеклаб қўйиш, масалан GPS-навигаторни ёки кондиционерни ўчириш ёки ҳар сафар машинага ўтирганда ёқимсиз товуш чиқариш кабилар бор.
Патентнинг яна бир банди автопилот билан боғлиқ. Агар кредит тўлови амалга оширилмаса у автомобилни компанияга ёки чиқинди полигонига олиб бориши мумкин. Яна бир вариант - автомобилни бутунлай блокировка қилиш, бунда эгаси кредит бўйича тўловни амалга оширмагунча уни бошқара олмайди.
Ford 2021 йилдаёқ АҚШ Патент идорасига бу ҳақда ариза топширган ва ҳозирда у тасдиқланган. Мутахассисларнинг таъкидлашича, патентни олиш бундай технологияларнинг амалда жорий этилишини англатмайди. Шунингдек, бундай автопилотдан фойдаланиш учун аввало ривожланган автоном бошқарув тизими ишлаб чиқилиши ва у регулятор томонидан тасдиқланиши керак.
