18:39 / 07.03.2023
33503

O‘zbekistondagi 10 ta eng yirik soliq to‘lovchilar prognozi e’lon qilindi

Moliya vazirligi O‘zbekistondagi 10ta eng yirik soliq to‘lovchi tashkilotlar bo‘yicha prognozlarini e’lon qildi. Unda Navoiy (14,8) va Olmaliq (8,1 foiz) kon-metallurgiya kombinati eng yuqori o‘rinlarni egallagan.

Moliya vazirligi “Fuqarolar uchun budjet – 2023” nashrini e’lon qildi. Qayd etilishicha, joriy yilda davlat budjeti daromadlari soliq tushumlaridagi ulushining qariyb beshdan bir qismi OKMK va NKMK hissasiga to‘g‘ri kelishi kutilmoqda. Mazkur ikki kombinatning soliq tushumlaridagi ulushi 22,9 foizga yetishi prognoz qilingan.

2023 yilda soliq tushumlaridagi ulushi eng ko‘p bo‘lishi prognoz qilinayotgan korxonalar o‘nligi quyidagicha:

  • “Navoiy kon-metallurgiya kombinati” AJ – 14,8 foiz;
  • “Olmaliq kon-metallurgiya kombinati” AJ – 8,1 foiz;
  • “O‘zbekneftgaz” AJ – 1,8 foiz;
  • “O‘ztransgaz” AJ – 1,7 foiz;
  • “Hududgazta’minot” AJ – 1,2 foiz;
  • “Uzbat” AJ – 1,1 foiz;
  • “O‘zavtosanoat” AJ – 0,9 foiz;
  • “Uz-Kor Gas Chemical” MChJ – 0,6 foiz;
  • “Buxoro neftni qayta ishlash zavodi” MChJ – 0,6 foiz;
  • “O‘zbekiston metallurgiya kombinati” AJ – 0,4 foiz.

Top