Meksikaning sobiq prezidenti davrida 218,7 million dollarga sotib olingan samolyot, nihoyatda serhasham bo‘lgani bois, amaldagi prezident undan foydalanishdan bosh tortgan va u xorijiy safarlarga oddiy tijoriy reyslarida borib keladi. Serhasham uchoqni Tojikiston hukumati sotib oldi.
Meksika prezidenti 2012 yili sobiq prezident Felipe Kalderon davrida sotib olingan, ammo ko‘pdan beri hech kimga kerak bo‘lmagan serhasham Boeing 787 samolyoti 4,5 yillik urinishdan so‘ng Tojikistonga sotilganini ma’lum qildi.
Samolet 1,6 mlrd peso (qariyb 92,9 mln dollar)ga sotilgan. Tojikiston tomoni uni 10 kun ichida olib ketishi kerak.
Meksika prezidenti Andres Manuel Lopes Obrador 2018 yilning 1 dekabrida vazifasini bajarishga kirishganidan so‘ng samolyotdan foydalanishdan bosh tortgan, bunga uning nihoyatda hashamatli ekanini sabab qilib keltirgandi. Kamtarona hayot tarzini ma’qul ko‘radigan ushbu shaxs xorijiy safarlariga oddiy tijoriy reyslarda borib keladi.
Samolyot savdosidan tushgan pul Meksikada ikkita shifoxona qurish uchun sarflanadi. Amaldagi prezident shunday qaror chiqargan.
2016 yili Meksika hukumati 28 yil davomida prezident samolyoti sifatida xizmat qilgan Boeing 757-200 o‘rniga yangi samolyot sotib olinishini e’lon qilgandi. Meksikaning sobiq prezidenti Enrike Penya Neto ma’muriyati bergan bayonotga ko‘ra, Boeing 787 samolyoti mamlakatga 218,7 mln dollarga tushgan.
Samolyot 80 kishiga mo‘ljalllangan va unda alohida vannaga ega bo‘lgan to‘laqonli prezident lyuks xonasi mavjud. Ekspertlar uni 300 yo‘lovchini tashiy oladigan odatiy samolyot sifatida qayta jihozlash ancha qimmatga tushishini ta’kidlashgan. Shundan so‘ng u sotuvga qo‘yilgandi.
