G7 davlatlari “g‘alla bitimi”ni uzaytirishga chaqirdi
“Katta yettilik” qishloq xo‘jaligi vazirlari yig‘ilishi yakunlari bo‘yicha qabul qilingan kommyunikeda “oziq-ovqatdan beqarorlik vositasi sifatida foydalanish”ga urinayotgan Rossiyaning pozitsiyasi qoralandi.
![](https://storage.kun.uz/source/9/LTd3w1Cy2OQ-_N2oKvF0UCi5yDA-LTYd.jpg)
Foto: AA
G7 davlatlari Ukraina g‘allasini Qora dengiz orqali eksport qilish bo‘yicha muhim kelishuvni "uzaytirish, to‘liq amalga oshirish va kengaytirish"ga chaqirdi. Bu haqda 23 aprel, yakshanba kuni Yaponiyaning Miyazaki shahrida bo‘lib o‘tgan "Katta yettilik" a’zo mamlakatlari qishloq xo‘jaligi vazirlari yig‘ilishi yakunlari bo‘yicha kommyunikega tayanib, Reuters agentligi xabar berdi.
Hujjatda, shuningdek, "oziq-ovqatdan beqarorlik vositasi va geosiyosiy majburlash vositasi sifatida foydalanishga" urinayotgan Rossiyaning pozitsiyasi ham qoralanadi. G7 davlatlarining hamjihatlikda harakat qilish va "Rossiyaning oziq-ovqat "militarizatsiyasidan" eng ko‘p jabr ko‘rganlarni qo‘llab-quvvatlash"ga qat’iyligi tasdiqlandi.
Bundan tashqari, kommyunikeda G7'ga a’zo mamlakatlar Ukrainani tiklash va rekonstruksiya qilish, jumladan, qishloq xo‘jaligi yerlarini minalardan tozalash va qishloq xo‘jaligi infratuzilmasini tiklash sohasida ekspertiza taqdim etish orqali qo‘llab-quvvatlashga tayyor ekanliklari e’lon qilingan.
Avvalroq Moskva, Rossiya nuqtayi nazaridan, 18 mayda tugaydigan “g‘alla bitimi”ning uzaytirilishini muammoli deb atagan edi. Rossiya Federatsiyasi o‘zi tomonidan qo‘yilgan barcha shartlarni bajarishni talab qildi. Rossiya tashqi ishlar vaziri o‘rinbosari Sergey Vershininning so‘zlariga ko‘ra, hozircha hech qanday natija ko‘rinmayapti, kelishuvni Rossiya manfaatlariga, shuningdek, jahonda global oziq-ovqat xavfsizligiga zarar yetkazadigan tarzda amalga oshirishni davom ettirish mumkin emas.
Mavzuga oid
![](https://storage.kun.uz/source/thumbnails/_medium/10/9iP1i_07VWCOygVW8Mt9AX_5DnU0R9Zp_medium.jpg)
14:01 / 21.08.2024
Rossiya joriy yilda 60 mln tonna g‘alla eksport qilishni rejalashtirmoqda
![](https://storage.kun.uz/source/thumbnails/_medium/10/Gv2GhrtEyxKXEHNREpEExSDQDElkz_5O_medium.jpg)
07:56 / 06.08.2024
G7 tashqi ishlar vazirlari Yaqin Sharqdagi vaziyatni yumshatishni talab qildi
![](https://storage.kun.uz/source/thumbnails/_medium/10/2RGF5grRBEAS0iiLTRXwzPyNQBDIRLJ2_medium.jpg)
17:58 / 12.07.2024
Bug‘doy o‘rimidan keyin 23 ming gektar maydon yoqib yuborilgan - “O‘zbekkosmos”
![](https://storage.kun.uz/source/thumbnails/_medium/10/4Q-nNHReoERyqt5zLi8l_gK31NQK85NH_medium.jpg)
11:28 / 01.07.2024