Energetika vazirligi va “Issiqlik elektr stansiyalari” AJ Shirin shahrida zamonaviy “Yoshlar markazi”ni foydalanishga topshirdi 

Forumning eng muhim voqeasi sifatida zamonaviy arxitektura yechimlari asosida bunyod etilgan Yoshlar markazining foydalanishga topshirilishi bo‘ldi. 

“Yoshlar markazi” – zamonaviy ko‘rinishga ega bo‘lib, har tomonlama qulaylikka ega, shinam, eng asosiysi Shirin shahri yoshlari orzusidagi markaz. Undan “Coworking”, “IT-park”, “Axborot resurs markazi”, “Madaniyat uyi”, “Book cafe” va Yoshlar agentligi binosi o‘rin olgan. Bu esa yoshlarning g‘oya va tashabbuslarini qo‘llab-quvvatlash, iste’dodlarini namoyon etishlari, bilim olishlari, erkin muloqot orqali o‘zaro tajriba almashishlari, o‘ylantirayotgan u yoki bu masala bo‘yicha muhokamalar o‘tkazishlari uchun yaxshi imkoniyat degani.

Tantanali ochilish marosimi “Rahbar va yoshlar” uchrashuviga ulanib ketdi. Unda Sirdaryo viloyati hokimligi va “Issiqlik elektr stansiyalari” AJ mutasaddilari qatnashdilar.

Tadbir yakunida forum qatnashchilari ishtirokida “Yashil makon” umummilliy loyihasi doirasida “Yoshlar markazi” hududiga 200 tupdan ortiq mevali va manzaralari daraxt ko‘chatlari o‘tqazildi.

Forum doirasida  “Sportni sev, sport bilan yasha!” shiori ostida “Energetiklar marafoni” tashkil etildi. 

Shuningdek, OAV vakillari, jurnalist va blogerlar hamda yoshlar uchun Sirdaryo IES, Shirin shahri va Boyovut tumanlari hududida Saudiya Arabistonining “ACWA Power” kompaniyasi tomonidan qurilayotgan quvvati 1 500 MVt bo‘lgan “ACWA Power Sirdaryo” elektr stansiyasi va Shirin energetika kolleji bo‘ylab press-tur tashkil etildi.

Reklama huquqi asosida