Maşhurlar Rossiya prezidenti Vladimir Putindan qamoq jazosini ötayotgan muxolifatçi Aleksey Navalniyga tibbiy yordam körsatiş va uning ozod etilişiga kömaklaşişni söradi. 

2023 yilning 28 apreli

Prezident V. Putinga

Biz Sizga şusiz ham allaqaçon ma’lum bölgan faktlar haqida yozmoqdamiz: Aleksey Navalniy Sizning mamlakatingizdagi eng qat’iy tartibli koloniyalaridan biri bölmiş IK-6 koloniyasida saqlanmoqda. Uni yana va yana karserga, ventilyatsiyasi yöq, it uyi kattaligidagi beton kubga, bir kişilik kameraga qamab qöyişyapti. Unga qarindoşlarining taşrifi va telefon qönğiroqlari taqiqlangan, advokatlar uning oldiga kira olmaydi. Harorati yuqori bölişiga qaramay, kun böyi tik oyoqda turişga majburlaşyapti. 

Biz 600 nafar rossiyalik şifokorning Aleksey Navalniy zudlik bilan mustaqil tibbiy yordam olişi lozimligi haqidagi talablariga öz ovozimizni qöşamiz. 100 nafar rossiyalik huquqşunos va 100 nafar hududiy deputatlar ham Navalniyga nisbatan qöllanayotgan qiynoqlarga çek qöyib, unga tibbiy yordam körsatişni talab qilişmoqda.

Navalniy heç qaçon mustaqil va adolatli sud tomonidan qabul qilinmaydigan ayblovlar bilan qamoq jazosini ötamoqda. Biz Germaniya hukumati, AQŞ va Yevropa Ittifoqi rasmiylarining uni zudlik bilan ozod etişni talab qiliş çaqiriğini qöllab-quvvatlaymiz. Bu sizning ixtiyoringizda.

Murojaatni Nobel mukofoti sovrindorlari Svetlana Aleksiyeviç, Mario Vargas Liosa, Jon Maksvell Kutzeye, Gerta Myuller, Örxon Pamuq va Olga Tokarçuk, yozuvçilar Joan Rouling, Jonatan Franzen, Enn Epplbaum va Margaret Etvud, dramaturg Tom Stoppard, raqqos Mixail Barişnikov, tarixçi Timoti Snayder, rassom Art Şpigelman, aktyorlar Devid Duxovni, Benedikt Kamberbetç, Jud Lou, Jan Reno, Vanessa Redgreyv va boşqalar, jami - 131 nafar fan va madaniyat arboblari imzolagan.

  • Maykl Abramoviç, Freedom House prezidenti
  • Jyey Jyey Abrams, rejissyor, kompozitor
  • Peydj Aleksandr, Karter Markazi boş direktori
  • Svetlana Aleksiyeviç, jurnalist, yozuvçi, adabiyot böyiça Nobel mukofoti laureati