ANORBANK – “Yil brendi” mukofoti sovrindori

20 may kuni Toshkent shahrida “Yil brendi 2022” VI mukofoti g‘oliblarini tantanali taqdirlash marosimi bo‘lib o‘tdi. Tadbirda O‘zbekiston marketing uyushmasi ekspertlari hamda iste’molchilarning ovoz berish natijalari bo‘yicha g‘oliblari e’lon qilindi.

ANORBANK “Moliya” yo‘nalishida mukofot sovrindoriga aylandi.

“Yil brendi” har yilgi mukofoti O‘zbekiston marketing uyushmasi tomonidan taqdim etiladigan sovrin bo‘lib, 2023 yilda oltinchi marta o‘tkazilmoqda. O‘tgan yilda O‘zbekiston bozorida eng samarali marketing yutuqlariga erishgan eng muvaffaqiyatli brendlar mukofot bilan taqdirlanadilar.

“Yil brendi” mukofotining maqsadi – mahalliy bozorda marketing sohasida muvaffaqiyatli ish olib borgan eng yaxshi jamoalar va ekspertlarni aniqlash, qo‘llab-quvvatlash va rag‘batlantirish, tadbirkorlik, O‘zbekiston marketing va reklama xizmatlari bozorining infratuzilmasini rivojlantirish.

Telegram messenjerida iste’molchilarning ochiq ovoz berish jarayoni bo‘lib o‘tdi. Joriy yilda unda 550 mingdan ziyod insonlar qatnashib, ular 25 toifadagi 221 ta sevimli brendga ovoz berdilar.

Ovoz berish natijalari shuni ko‘rsatdiki, ANORBANK ko‘pchilik iste’molchilarning ishonchi va mehrini qozonib, “Moliya” yo‘nalishida jami 12 737 nafar ovoz to‘plab, haqli ravishda birinchi o‘rinni egalladi.

Shu bilan birga, ekspertlar tomonidan ANORBANK 2022 yilda marketing sohasida erishgan ulkan yutuqlari uchun maxsus “Yil kashfiyoti” sovrini bilan taqdirlandi.

Bank ko‘rsatilayotgan xizmatlar sifatini oshirish va mahsulotlarni takomillashtirish, shuningdek, o‘z mijozlarini qiziqarli marketing yechimlari bilan mamnun etish bo‘yicha chora-tadbirlarni amalga oshirishni davom ettiradi.

Reklama