1-sinf o‘quvchilari uchun informatika fani joriy etiladi

Respublika ta’lim markaziga tayanch o‘quv reja asosida tegishli taqvim-mavzu rejalarini ishlab chiqish, 1-sinf informatika va axborot texnologiyalari fanini o‘qitish metodikasi, o‘quv dasturi, davlat ta’lim standartlari va taqvim-mavzu rejalarini amaliyotga tatbiq etish bo‘yicha vazirlikka taklif kiritish topshirildi.

A.Avloniy nomidagi pedagoglarni kasbiy rivojlantirish va yangi metodikalarga o‘rgatish milliy-tadqiqot institutiga:

• boshlang‘ich sinf o‘qituvchilari uchun 1-sinf informatika va axborot texnologiyalari fanini zamonaviy metodikalar asosida o‘qitish va o‘rgatish bo‘yicha qisqa muddatli o‘quv kurslari dasturini ishlab chiqish;
• umumiy o‘rta ta’lim maktablaridagi 1-sinf informatika va axborot texnologiyalari fanini o‘qitadigan boshlang‘ich sinf o‘qituvchilarini qisqa muddatli o‘quv kurslariga qamrab olish grafigini ishlab chiqish va tasdiqlash;
• 2023 yil 25 avgustga qadar boshlang‘ich sinf o‘qituvchilari uchun informatika va axborot texnologiyalari fani mazmun-mohiyati bo‘yicha qisqa muddatli o‘quv kurslari samarali tashkil etilishini muvofiqlashtirish vazifalari yuklatildi.