Ukraina qo‘shini qarshi hujumni allaqachon boshlab yuborgan. Bu haqda Ukraina prezidenti ofisi rahbari maslahatchisi Mixaylo Podolyak Italiyaning RAI telekanali Tg1 ko‘rsatuvi uchun bergan intervyusida ma’lum qilgan.
«Qarshi hujum bir necha kundan buyon davom etmoqda», — deya Podolyakning so‘zlarini keltiradi kanal. Ukraina prezidenti ofisi maslahatchisi front 1,5 ming kilometrga cho‘zilishi, ammo «alohida operatsiyalar allaqachon boshlangani»ni qayd etgan.
Podolyak yana bir bor, Ukraina ittifoqchilar bergan qurollarni Rossiyadagi nishonlarga zarba berish uchun qo‘llamasligi, ular faqat «RF bosib olgan hududlar, jumladan Qrim va Donbass»da ishlatilishini ma’lum qilgan.
Bundan oldinroq Ukraina mudofaa vaziri o‘rinbosari Anna Malyar Ukraina qurolli kuchlari hamon Baxmut shahrining bir qismini nazorat qilayotganini, shahar shimoli va janubida esa ukrain harbiylari oldinga yurayotganini aytgandi.
