Qöşma Ştatlar Minsk va Moskva örtasidagi Rossiyaning taktik yadro qurollarini Belarusga ötkaziş böyiça kelişuvni keskin qoraladi. “Bu Rossiyaning Ukrainaga keng kölamli bostirib kirişidan keyin biz körgan mas’uliyatsiz xatti-harakatlarning yana bir misolidir”, dedi Davlat departamenti vakili Mettyu Miller 25 may, payşanba kuni.
Ukrainaga qarşi kimyoviy, biologik yoki yadroviy qurollardan foydalaniş “jiddiy oqibatlarga olib keladi”, deya ogohlantirdi u. Şu bilan birga, Vaşington hali öz yadroviy kuçlarining tayyorligini qayta körib çiqiş uçun heç qanday sabab körmayapti va Rossiya yadroviy quroldan foydalaniş niyatida ekanligini körsatadigan biron bir alomatni sezmagan. “Biz öz strategik yadro salohiyatimizni özgartiriş uçun heç qanday sabab körmayapmiz”, dedi Miller.
Bir neça soat oldin Belarus rahbari Aleksandr Lukaşenko Moskvada Rossiyaning taktik yadroviy qurollari mamlakat hududiga öta boşlaganini e’lon qildi. "Saqlaş joylarini tayyorlaş kerak edi. Biz bularning barçasini qildik. Şuning uçun yadroviy qurollar harakati boşlandi. Bu boşlandi", - dedi u.
Lukaşenko taktik yadro qurollari Belarus hududida allaqaçon borligini tan olib, respublikaga qaytib kelganida bunga oydinlik kiritişini aytdi.
