«Al Ittihod» - Saudiya Arabistoni chempioni, «An Nasr» 2-o‘rinni egalladi

Saudiya Arabistoni chempionatida 29-tur o‘yinlari bo‘lib o‘tdi.

Nunu Eshpiritu boshqaruvidagi «Al Ittihod» (69) yirik hisobda g‘alaba qozonib, 9-bor mamlakat chempionligini qo‘lga kiritdi. Jamoa so‘nggi bor 2009 yili g‘olib bo‘lgandi.

Ronaldu to‘liq o‘ynagan, Masharipov qaydnomaga kiritilmagan bahsda «An Nasr» (64) «Al Ittifoq» (34, 10-pog‘ona) bilan durang qayd etdi va ligani 2-o‘rinda yakunlaydigan bo‘ldi.

So‘nggi tur oldidan «Al Hilol» (56) uchinchi, «Ash Shabob» (53) to‘rtinchi pog‘onani egallab turibdi.

Saudiya chempionati. 29-tur. 27 may

Al Feyha — Al Ittihod 0:3
Gollar: Sharahili (3), Romarino (45+1, 86).

Al Ittifoq — An Nasr 1:1
Gollar: Niakate (43) — Gustavo (56).

Abha — Al Hilol 0:3
Gollar: Al Qahtoni (11), Igalo (44), Al Hamdan (87).

Ash Shabob — At Ta’avun 0:3
Gollar: Tavamba (34), Nasr (54), Flavio (59).