O‘zbekistonga chet elliklar asosan qaysi transport vositasida kelayotgani ma’lum bo‘ldi

Statistika agentligining dastlabki ma’lumotlariga ko‘ra, 2023 yilning yanvar-aprel oylarida 2 019,4 ming nafar chet el fuqarolari turistik maqsadlarda O‘zbekistonga tashrif buyurgan.

Shundan, havo transportida kelgan sayyohlar 311,2 ming kishini (15,4 foiz), temiryo‘l orqali kelganlar – 29,1 ming kishini (1,4 foiz), avtomobil transportida kelganlar – 9,6 ming kishini (0,5 foiz) tashkil etgan.

Sayyohlarning eng ko‘p qismi, ya’ni 1 669,4 ming nafari (82,7 foiz) piyoda kelgan (asosan qarindoshlarini yo‘qlash uchun kelganlar chegara postlaridan piyoda o‘tishgan).