Qozog‘istonda MDH moliyaviy razvedka bo‘linmalari rahbarlari majlisi o‘tkazildi

MDHga a’zo davlatlar moliyaviy razvedka bo‘linmalari rahbarlari kengashining 23-majlisi bo‘lib o‘tdi.

Foto: Iqtisodiy jinoyatlarga qarshi kurashish departamenti

Joriy yilning 7 iyun kuni Qozog‘istonning Olmaota shahrida bo‘lib o‘tayotgan Yevrosiyo guruhi 38-yalpi majlisi haftaligi doirasida o‘tkazilgan yig‘ilishida Bosh prokuratura huzuridagi Departament rahbariyati boshchiligidagi delegatsiya ishtirok etdi.

Armaniston, Belarus, Qozog‘iston, Qirg‘iziston, Rossiya, Tojikiston, shuningdek, MDH Ijroiya qo‘mitasi, YeOG kotibiyati va Moliyaviy monitoring bo‘yicha xalqaro o‘quv-metodik markazining mas’ul xodimlari qatnashgan ushbu tadbirda kengash tomonidan muqaddam qabul qilingan qarorlar ijrosi va ishchi guruhlarining faoliyati natijalari muhokama qilindi hamda jinoiy daromadlarni legallashtirishga va terrorizmni moliyalashtirishga qarshi kurashishdagi ilg‘or tajribalar almashildi.

O‘zbekiston delegatsiyasining Yevrosiyo guruhi yalpi majlisidagi ishtiroki davom etmoqda.