Yoşlar agentligi öz homiyligidagi loyiha ijroçilarini tender ğolibi deb topdi

Bayonotda aytilişiça, tanlovda ğolib bölgan “Language Media” MÇJ va uning rahbari Sanjar Muxiddinovning “agentlikka aloqasi yöq” va u “taşkilotda faoliyat olib boruvçi mas’ullarning qarindoşi hisoblanmaydi”.

“Sanjar Muhiddinovning loyiha doirasidagi videolarda köriniş bergani uning tanlovdagi iştirokida heç qanday ustunlik bermaganini alohida ta’kidlaymiz”, – deya qayd etgan Yoşlar işlari agentligi.

Oçiq ma’lumotlarga köra, Sanjar Muhiddinov Toşkentdagi Singapur menejmentni rivojlantiriş instituti talabasi hisoblanadi. U 2023 yilning fevral oyidan boşlab Yoşlar işlari agentligi homiyligidagi “Ibrat farzandlari” loyihasi rahbari örinbosari lavozimida işlaydi va u oçgan 3 oylik MÇJ özi hamkorlikda işlaydigan taşkilotning tenderida yutib çiqqan.

“Language-Media” MÇJning yuridik manzili sifatida Toşkent şahri Yunusobod tumani 15-mavze 40-uy 4-xonadon körsatilgan. Kun.uz'ning e’tibor qaratişiça, bu yerda heç qanday korxona faoliyat yuritmaydi – bu manzil aholi yaşaydigan köp qavatli uylardan biridagi xonadonning manzili. Bu esa ğolib kompaniyaning videolar s’yomka-montaji bilan qayerda şuğullanişi va umuman qay darajada bunga salohiyatli ekani haqidagi savolni keltirib çiqaradi.

Şartnomaga asosan, mablağning 1 mlrd 380 million sömi ispan va ingliz tillaridan 200 ta videodars tayyorlaş uçun (har bir videodars 6,9 mln sömga baholangan), qolgan 150 mln sömi esa 3ta hududda xorijiy tillar marafonini ötkaziş uçun ajratiladi.

Agentlik ma’lumotiga köra, videolar s’yomkasi agentlik ajratgan hududda va Sanoatqurilişbank homiyligida ajratilgan pavilonda olinadi. S’yomka qiliş uçun joyni davlatning özi ta’minlab bersa, ya’ni xususiy taşkilot videolarni suratga oliş uçun pavilon quriş yo ijaraga olişga xarajat qilmasa, 1 ta video uçun 6,9 mln söm ajratilişi bugungi bozor narxiga qançalik mos keladi?

Davlat buyurtmasini bajarayotgan xususiy kompaniya videolarni öziga tegişli kamera, mikrofon va çiroqlar yordamida s’yomka qilib, öziga tegişli kompyuterlarda montaj qilyaptimi yoki zarur texnikalarni ham davlat taşkiloti taqdim etyaptimi – bu ma’lum emas. Şu örinda, kompaniyaning ustav kapitali bor-yöği 1 mln söm ekanini eslatib ötiş zarur, video tayyorlaşda kerak böladigan zamonaviy texnikalar esa arzon turmaydi.

Kun.uz muxbiri videoroliklar olişga ixtisoslaşgan taniqli firmalardan biri bilan mijoz sifatida boğlanib, “Ibrat farzandlari” loyihasidagi videolarni körsatgan holda, bunday videolarni qança haq evaziga tayyorlab berişlari bilan qiziqdi. Kompaniya rasmiy tijoriy taklif yöllagan holda, bunday turdagi (10-15 daqiqali, murakkab elementlarsiz, öqituvçidan taşqari asosan statik matn va suratlardan iborat, nisbatan sodda montaj qilingan) 10 ta videoni 23 mln sömga tasvirga oliş va montaj qilib berişga tayyorligini bildirdi. Bunda bitta video uçun 2 mln 300 ming söm narx töğri keladi. Davlat esa, yuqorida aytilganidek, 6 mln 900 ming sömdan tölamoqda.

Biz boğlangan kompaniya taklif etgan narx içiga öqituvçi xizmati kiritilmagan. Kun.uz muxbiri öqituvçilarga videodarslar uçun tölanadigan haq miqdori haqida ma’lumot oliş uçun “Ibrat farzandlari” loyihasi rahbari Rustam Qoriyev bilan boğlandi. Uning sözlariga köra, videodarslar uçun öqituvçilarga ularning mahorati va pedagogik tajribasiga qarab 500-1000 dollar atrofida haq tölanadi.

“Biz oylik bermaymiz. Öqituvçiga bitta tildan dars ötiş uçun ma’lum yuklama qöyiladi. Masalan, örtaça darsimizning soni 100ta böladigan bölsa, öqituvçi uni 1, 2 yoki 3 oyda ham tugatib qöyişi mumkin. Qançalik tez va qançalik sifatli qilib bersa, şunga qarab beraveramiz”, – dedi Qoriyev.

U öqituvçilar bilan bitta videodars uçun qança narxda hisob-kitob qilinayotganiga aniqlik kiritmadi. Agar uning sözlaridan kelib çiqib 100 ta videodars uçun 1000 dollar tölanadi deya taxmin qilsak, bitta videodars uçun ehtimoliy 10 dollarlik narx kelib çiqadi. Bu esa davlat tomonidan bitta videodars uçun tölanayotgan 6,9 mln sömning içida öqituvçining xizmat haqi katta örin tutmasligiga işora qiladi.