Toshkent shahrining ayrim hududlarida elektr ta’minotida uzilishlar kuzatilyapti

Mirobod tumanidagi «SAZIIT» podstansiyasidan chiquvchi kabel tarmog‘i jiddiy shikastlangan.

Energetika vazirligi xabariga ko‘ra, buning natijasida tumandagi Temiryo‘lchilar, Zaminobod, Birodarlik, Istiqlolobod, Sarako‘l, Banokatiy va Navro‘z mahallalaridagi iste’molchilarning elektr ta’minotida uzilishlar kuzatilmoqda.

Hozirgi vaqtda Toshkent shahar elektr tarmoqlari filialining maxsus brigadalari tomonidan ta’mirlash ishlari olib borilmoqda.

Ta’mirlash ishlari soat 19:00 ga qadar yakunlanishi rejalashtirilgan bo‘lib, mazkur ishlar belgilangan vaqtdan avvalroq yakuniga yetishi mumkin.