Prezident maktablari kirish imtihonlari 1-bosqichi 15 iyul kuni boshlanadi

Prezident maktablarining kirish imtihonlari birinchi bosqichi 15 iyul kuni boshlanadi.

Imtihon vaqti va manzili haqidagi ma’lumot talabgor ariza.piima.uz saytiga kiritgan telefon raqamga sms-xabarnoma orqali ma’lum qilinadi.

Imtihonlar ikki bosqichda quyidagi fanlardan o‘tkaziladi:

1-bosqich: matematika fanidan 30 ta topshiriq  (test shaklida);
2-bosqich: tanqidiy fikrlash va muammoni yechish bo‘yicha 40 ta topshiriq hamda ingliz tili fanidan 40 ta savol (test shaklida).

Imtihon natijalari agentlikning rasmiy veb-saytida e’lon qilinadi.