Iqtisodçi yangi kambağallik çegarasini adolatsiz deb atadi. Statagentlik uni şov-şuvga berilişda aybladi

Ikkinçidan, davlatning ijtimoiy tölovlarga ajratadigan mablağlari nisbatan kamayadi. Özi hukumat 1,5 yil davomida bu miqdorni oşirmay keldi, endi oşirganda ham inflatsiyadan pastroq darajada indeksatsiyaladi. Masalan, xususiy sektorda işlaydigan homilador ayollarga davlat tölaydigan dekret puli, iş staji töliq bölmagan çoğdagi pensiyalar, boquvçisini yöqotganlik pensiyasi oluvçilarning bir nafar mehnatga qobiliyatsiz oila a’zosi uçun pensiya, boquvçisini yöqotganlik nafaqasi oluvçilarning bir nafar mehnatga qobiliyatsiz oila a’zosi uçun nafaqa kabilar minimal iste’mol xarajatlariga boğlangan”, – deya ta’kidlaydi iqtisodçi.

Statistika agentligining munosabati

Statistika agentligi Otabek Bakirovning tanqidiga munosabat bildirib, u yozgan postdagi “rasmiy inflatsiyaning özi 16,1%dan oşgan” degan vajni rad etdi.

“Mustaqil izlanuvçi sifatida statistika raqamlaridan foydalangan holda şaxsiy hisob-kitoblar va tahlillarni amalga oşirişingiz mumkin. Biroq, Siz tomoningizdan hisob-kitob qilingan 16,1 % lik inflatsiya darajasi Statistika agentligining raqami deb uşbu raqamga rasmiy tus berişga haqqingiz yöq.

Statistika agentligi tomonidan amaldagi uslubiyatga asosan oylik, çoraklik, yillik va ötgan yilning mos davriga nisbatan inflatsiya darajasi töğrisidagi ma’lumotlar şakllantiriladi.

Bunda, heç qanday bir yarim yillik, bir yilu beş oylik indekslar hisob-kitob qilinmaydi va heç qanday hisob-kitoblar va tahlillarda bunday davriyliklardagi indekslardan foydalanilmaydi.

Alohida ta’kidlaş lozimki, minimal iste’mol harajatlari qiymatini hisoblaşda bir çoraklik yoki bir yarim yillik indekslardan emas, balki bevosita yillik inflatsiya darajasi körsatkiçidan foydalaniladi”, – deyiladi rasmiy bayonotda.

Agentlik, şuningdek, Bakirovni doimiy tarzda Statistika agentligi tomonidan e’lon qilib borilayotgan statistikalarga “asossiz, yuzaki tanqidlar, masalaning içiga töliq kirmasdan, tuşunib tahlil qilmasdan yondaşib” munosabat berib kelişda aybladi.. Rasmiylar, şuningdek, uni “asossiz, örinsiz, ortiqça ehtiros hamda şov-şuvga berilmasdan”, konstruktiv fikr va asosli tahlillarini “manzilli tarzda, boşqalarga oşkor qilmasdan” yetkazişga çaqirdi.

“Siz yuritayotgan Telegram-kanalida doimiy negativ xabarlar, asossiz, şov-şuvli oldi-qoçdi gaplar berib boriladi. Bu öz navbatida, xalqimiz va xalqaro hamjamiyat oldida Özbekistonning ijobiy imijiga salbiy ta’sir uyğotişi tabiiy hol. Davlat, hukumat va davlat idoralarini xalqqa duşman sifatida körsatib, xalqning ğazabini qözğaş – heç qaysi vatanparvar, xalqparvar mard insonning vijdoniga töğri kelmaydi”, – deya munosabat bildirdi statistika organi.

Öz navbatida, Otabek Bakirov minimal iste’mol xarajatlari miqdorini, belgilangan qoidalarga amal qilgan holda, yanvardan buyoğiga qöllaşga çaqirdi.

“Çunki özlaringiz belgilagan qoidaga köra, minimal iste’mol xarajatlari yil boşida e’lon qilinişi, dekret tölovlari, kambağal toifadagi turli nafaqalar va pensiyalar şu minimumga muvofiqlaştirilişi lozim edi. Agar sizlar yanvarda öz vazifangizni bajarganingizda ijtimoiy yordam oluvçilar har oyda yetmiş ming sömdan, 6 oyda 420 ming söm köproq tölovga ega bölişardi”, – deydi iqtisodçi.