Buxoroda tarixiy obidalarga vertolyot turlari tashkil etilishi mumkin 

Buxoro viloyati, Romitan tumani, Bo‘rontepa qo‘rg‘oni yonidagi Varaxsha massivida joylashgan qadimiy yodgorlikka vertolyot turi tashkil etilishi mumkin. 

- Buxoro viloyatida «Bukhara Desert Oasis & Spa» majmuasida vertolyot turlarini tashkil etish masalasini ko‘rib chiqyapmiz», dedi Uzbekistan Helicopters korxonasi rahbari Sardor Normuhammedov. - Qilinayotgan tadbirlar viloyatga turizm oqimini yanada oshiradi. Mahalliy va chet el sayyohlari uchun dunyo standartlariga javob beradigan mukammal bir mahsulot taqdim etadi. 

Qayd qilinishicha, Buxoro viloyatiga 2022 yilda uch yarim million sayyoh kelgan, 2025 yilda bu ko‘rsatkichni o‘n millionga yetkazish rejalashtirilgan.  

Bo‘rontepa yodgorligini turizm chorrahasiga aylantirish yo‘nalishida ham ishlar boshlab yuborilgan. Ushbu maskandan Xorazm va Samarqand shaharlariga vertolyot va samolyot reyslari yo‘lga qo‘yilishi ham rejalashtirilmoqda.