Ispaniyaning Valensiya shahrida o‘tayotgan badiiy gimnastika bo‘yicha jahon chempionatida Taxmina Ikromova O‘zbekiston delegatsiyasi uchun Parij-2024 yozgi Olimpiya o‘yinlarining ilk yo‘llanmasini qo‘lga kiritdi.
Sportchi ko‘pkurash dasturida 4 ta mashq yakunidan so‘ng 124,2 ball bilan 9-o‘rinni egalladi. Natijada Ikromova Parij-2024 Olimpiadasiga yo‘llanma beruvchi 14 talikdan joy oldi. Shuningdek, sportchi bulava va tasmadagi mashqda final bosqichiga yo‘l oldi.
Parij-2024 yozgi Olimpiya o‘yinlari 2024 yil 26 iyul – 11 avgust kunlari o‘tkaziladi.
