Bayram munosabati bilan pensiyalar kartaga oldindan o‘tkazib beriladi

Mustaqillik bayrami munosabati bilan pensiya to‘lovlari oldindan to‘lab beriladi.

O‘zbekiston davlat mustaqilligining 32 yillik bayrami munosabati bilan joriy yilning 1 sentabr, juma hamda 2-3 sentabr, shanba va yakshanba dam olish kuniga to‘g‘ri kelmoqda.

Pensiya jamg‘armasi xabariga ko‘ra, pensiya va nafaqa to‘lovlarini naqd pulsiz (bank karta) shaklda oluvchi fuqarolarning joriy yil sentabr oyi uchun pensiya va nafaqalari 2023 yil 29-31 avgust kunlari ularning bank plastik kartalariga o‘tkazib beriladi.

Naqd pul shaklida pensiya va nafaqa oluvchilarga to‘lovlar 2023 yil 4 sentabr kun boshidan Xalq banki sayyor kassalari tomonidan grafikka muvofiq amalga oshiriladi.