Kollej va texnikumlarga test sinovlari yakuniy natijasi 3 oktyabr kuni e’lon qilinadi

2023-2024-o‘quv yili uchun kollej va texnikumlarga kirish test sinovlari joriy yil 26-29 sentabr kunlari o‘tkaziladi.

Sinovlar ikki smenada: 1-smena 08:00 dan 11:00 gacha, 2-smena 15:00 dan 18:00 gacha tashkil etiladi.

Bir smenada 21 060 nafar, bir kunda esa 42 120 nafar abituriyent test jarayonida ishtirok etadi.

Shuningdek, alohida iqtidor talab etiladigan kasb va mutaxassisliklarga o‘quvchilarni qabul qilish bo‘yicha 2023-2024-o‘quv yili uchun 32 ta kollej va 19 ta texnikumda kasbiy (ijodiy) imtihonlar o‘tkaziladi.

Texnikumlarda 25 sentabr kunidan kasbiy (ijodiy) imtihonlar boshlandi.

Test sinovi natijalari imtihon o‘tkazilgan kunning ertasiga, yakuniy tanlov natijalari esa 3 oktyabr kuni e’lon qilinishi rejalashtirilgan.