Isroil armiyasi G‘azo sektori chegarasidagi aksariyat aholi punktlari ustidan nazoratni tikladi

Mamlakat qurolli kuchlari janubdagi aksariyat aholi punktlarini HAMASdan qaytarib oldi.

Foto: Reuters

Isroil armiyasi janubdagi G‘azo sektori bilan chegaradagi aksariyat aholi punktlari nazoratini tiklaganini ma’lum qildi. Bu haqda Gazeta.ru xabar berdi.

Bungacha Isroil qurolli kuchlari mamlakat janubida joylashgan Reim harbiy bazasini o‘z nazoratiga qaytargan edi.

7 oktyabr kuni HAMAS Isroilga raketa hujumini uyushtirdi va «Al-Aqso to‘foni» operatsiyasi boshlanganini e’lon qildi. Shundan so‘ng, G‘azo sektori bilan chegaradagi bir necha aholi punktlari jangarilar tomonidan qo‘lga kiritildi.

Isroil milliy xavfsizlik vaziri Itamar Ben-Gvir 7 oktyabr kuni mamlakatda favqulodda holat e’lon qildi.

Isroil bosh vaziri Netanyahu mamlakat urush holatida ekanini e’lon qildi. Isroil Mudofaa armiyasining HAMAS a’zolariga qarshi operatsiyasi «Temir qilichlar» deb nomlangan.

Tayyorlagan Сардор Юсупов

#Isroil #Falastin #Hamas

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.