HAMAS Isroil hujumlarini to‘xtatish evaziga garovga olinganlarni ozod qilishga va’da berdi - OAV

Agar Isroil armiyasi G‘azo sektoriga berilayotgan zarbalarni to‘xtatsa, HAMAS garovga olingan fuqarolarni darhol ozod qilishga tayyor. Bu haqda HAMAS tashkilotining ismini oshkor qilmagan yuqori martabali mulozimi NBC News telekanaliga aytgan.

Agar Isroil bu shartni bajarsa, garovga olinganlar bir soat ichida ozod etilishi mumkin, dedi HAMAS vakili.

Shu bilan birga, HAMAS garovda ushlab turilgan harbiylar ozod qilinishi uchun Isroil qamoqxonlaridagi barcha falastinliklarning qo‘yib yuborilishini istamoqda.

HAMAS vakili so‘zlariga ko‘ra, AQSh va Isroil garovdagi fuqarolarning ozod qilish shartlaridan xabardor, chunki HAMAS bu shartlarni ba’zi arab davlatlari yetakchilari bilan suhbatda oshkor qilgan.