O‘zbekiston va Ispaniya tahlil markazlari o‘rtasida hamkorlik yo‘lga qo‘yiladi

Madrid shahrida O‘zbekiston va Ispaniya tahlil markazlari o‘rtasidagi hamkorlik masalalari muhokama qilindi.

Foto: Dunyo AA

O‘zbekistonning Madriddagi elchixonasida Ispaniya Siyosat va xavfsizlik tahlili instituti prezidenti Manuyel Morato bilan uchrashuv bo‘lib o‘tdi, deb xabar bermoqda "Dunyo".

Suhbat chog‘ida O‘zbekiston va Ispaniya tahlil markazlari o‘rtasida o‘zaro manfaatli hamkorlikni yo‘lga qo‘yish masalalari atroflicha muhokama qilindi.

Tomonlar strategik sheriklikni kengaytirishdan manfaatdor ekanini bildirdi. Shu munosabat bilan, Ispaniya tahlil markazlarining yetakchi ekspertlari va manfaatdor vazirlik hamda idoralar vakillari ishtirokida O‘zbekistonning yangi tashqi siyosati va uning Markaziy Osiyoda xavfsizlik arxitekturasini shakllantirishdagi o‘rni haqida muntazam ravishda qo‘shma davra suhbatlari va seminarlar o‘tkazishga kelishib olindi.

Yaqin vaqt oralig‘ida O‘zbekistonning tahlil institutlari bilan o‘zaro hamkorlikning yo‘lga qo‘yilishi yuzasidan ham kelishuvga erishildi.