Mazkur reyting tashkilotiga jalb etilgan xalqaro ekspertlar va “IARS” Hakamlar qo‘mitasi baholari natijalariga ko‘ra, boshqaruvga innovatsion yondashuv, sifatli ta’lim va zamonaviy ta’lim texnologiyalarining joriy etilishi, ilmiy-tadqiqot faoliyatining takomillashtirilishi, universitetning o‘quv-texnologik jihozlari sifat darajasi, talabalarning ijodiy va sport sohasidagi yuqori salohiyati, jamoada korporativ madaniyatni shakllantirilishi bo‘yicha Farg‘ona davlat universiteti rektori, professor - Bahodirjon Shermuhammadov - Kanada Xalqaro yutuqlar tadqiqot markazi (IARS) reytingda “Yil rektori – 2023” tanlovi g‘olibi deb e’lon qilindi.
Shuningdek, Farg‘ona davlat universiteti - strategik, korporativ va individual rivojlanish darajasi bo‘yicha Xalqaro yutuqlar tadqiqot markazi (IARS) reytingida “Yil universiteti – 2023” xalqaro tanlovi nominatsiyasi g‘olibi deb e’lon qilindi.
Shuningdek, reyting g‘olibi bo‘lgan FarDU rektoriga Xalqaro yutuqlar tadqiqot markazi - IARC rasmiy veb-saytining “Xalqaro tribuna” bo‘limida o‘z ilmiy maqolalarini (https://achievemenscenter.com/iarc-evens/academic-honor-society/international-tribune/about-international-tribune) bepul chop etish hamda “Yil rektori – 2023” brendidan abadiy foydalanish xalqaro huquqi berildi.
Ushbu xalqaro tanlovning maqsadi - oliy ta’lim muassasalarining yillar davomida erishgan xalqaro yutuqlarini jahon hamjamiyatiga keng namoyish etishga qaratilgan. Bunda mahalliy, mintaqaviy yoki xalqaro miqyosda jahon andozalari darajasidagi muassasa bo‘lish uchun katta salohiyat va ijodkorlikni namoyon etgan hamda ilm-fanga salmoqli hissa qo‘shgan innovatsion oliy ta’lim muassasalari jamoatchilik tomonidan e’tirof etiladi va taqdirlanadi.
