«Munis» to‘lov tizimi faoliyatida uzilishlar kuzatilmoqda

«Munis» to‘lov tizimi faoliyatida jiddiy uzilishlar yuzaga kelgan. Bu haqda Asakabank, Turonbank va Trastbankdagi manbalariga tayanib, Kun.uz muxbiri xabar berdi. Buning natijasida to‘lovlarni amalga oshirish jarayoni to‘xtab qolgan va uzun navbatlar yuzaga kelgan.

Ma’lumot uchun, «Munis» Markaziy bankning hisob-kitoblar kliring tizimi hisoblanib, barcha kommunal tashkilotlar, Moliya vazirligi G‘aznachiligiga to‘lanadigan budjet to‘lovlari, soliq hamda bojxona to‘lovlari, notarial va FHDYo to‘lovlari, Ichki ishlar vazirligiga to‘lanadigan jarima to‘lovlari, Davlat xizmatlari agentligi xizmatlari to‘lovlari, UzAuto Motors avtomashinalari uchun to‘lovlar, kadastr xizmatlari uchun to‘lovlar, shuningdek, mobil aloqa, internet-provayderlar va ko‘plab boshqa xizmatlar uchun to‘lovlar amalga oshiriladi.