Davlat rahbari halok bo‘lganlarning oila a’zolari va yaqinlariga hamdardlik bildirgan, jabrlanganlar shifo topishini tilagan.
Xitoyning markaziy qismida sodir bo‘lgan zilzila oqibatida kamida 111 kishi halok bo‘ldi. Bunday ma’lumotlar 19 dekabr, seshanba kuni «Sinxua» agentligi va mamlakat markaziy televideniyesi tomonidan ma’lum qilindi.
Xususan, Gansu provinsiyasida qurbonlar soni 100 kishiga yetdi, yana 11 kishi Tsinxay provinsiyasida halok bo‘ldi.
Ofat zonasida suv ta’minoti uzilgan, elektr uzatish liniyalari, shuningdek, transport infratuzilmasi obektlari shikastlangan. Xitoy rahbari qurbonlar sonini kamaytirish uchun keng ko‘lamli qidiruv amaliyotini o‘tkazishga chaqirdi.
Zilzila episentri Gansu provinsiyasida, Tsinxay bilan ma’muriy chegaradan 5 kilometr uzoqlikda bo‘lgan, deya ta’kidladi «Sinxua». Xitoy ma’lumotlariga ko‘ra, zilzila magnitudasi 6,2 ballni tashkil qilgan. Shu bilan birga, AQSh Geologiya xizmati bu ko‘rsatkichni 5,9 deb baholamoqda.
