Vodiy viloyatlarida elektr ta’minotida qisqa muddatli uzilishlar kuzatilyapti

Namangan, Farg‘ona va Andijonda elektr ta’minotida qisqa muddatli uzilishlar kuzatilmoqda.

Foto: Kun.uz

Vodiy viloyatlari iste’molchilarining elektr ta’minotida qisqa muddatli uzilishlar kuzatilmoqda. Bu haqda Energetika vazirligi xabar berdi.

Ma’lum qilinishicha, bugun, 21 dekabr kuni soat 14:13 da vodiy viloyatlari iste’molchilarini elektr energiyasi bilan ta’minlovchi yuqori kuchlanishli «L-524» elektr uzatish tarmog‘ida nosozlik yuzaga kelgan.

Buning natijasida vodiy viloyatlari (Namangan, Farg‘ona va Andijon)ning elektr ta’minotida qisqa muddatli uzilishlar kuzatilmoqda.

Hozirgi vaqtda ushbu nosozlikni bartaraf etish ishlari olib borilyapti. Nosozlik tez orada bartaraf etilib, elektr energiyasi barqarorligi ta’minlanishi aytilgan.