Rossiya sobiq deputatni xalqaro qidiruvga berdi

Anastasiya Bryuxanova olti oy oldin Rossiyada federal qidiruvga berilgan edi. Endi Rossiya hukumati Davlat dumasi deputatligiga sobiq nomzodni xalqaro darajada qidirmoqda.

Anastasiya Bryuxanova Foto: Irina Bujor / Kommersant’

Moskvaning Shchukino tumani sobiq munitsipal deputati, Rossiya armiyasi haqida «feyklar» tarqatishda ayblangan Davlat dumasi deputatligiga sobiq nomzod Anastasiya Bryuxanova xalqaro qidiruvga berildi. Bu haqda 28 dekabr, payshanba kuni huquq-tartibot idoralaridagi manbaga tayanib, TASS xabar qildi.

Anastasiya Bryuxanovaga qarshi jinoiy ish uning 2023 yil aprelida YouTube’da The New York Times gazetasining Kiyev yaqinidagi Bucha shahrida tinch aholini o‘ldirishda rossiyalik harbiylar ishtiroki haqidagi surishtiruvi yuzasidan e’lon qilgan videosi tufayli ochilgan edi.

Iyun oyida Bryuxanova federal qidiruvga berildi, bir oy o‘tib esa Moskva sudi uni terakt haqida yolg‘on xabar berganlikda ayblab, sirtdan hibsga oldi.

Rossiyaning Ukrainadagi keng miqyosli harbiy harakatlari boshlanganidan so‘ng, Anastasiya Bryuxanova Rossiyani tark etgan.

Tayyorlagan: Отабек Матназаров

#Rossiya #Anastasiya Bryuxanova