«Ipoteka-bank»da xizmat ko‘rsatilayotgan ayrim klasterlarning qarzdorligi boshqa banklarga o‘tkaziladi

Vazirlar Mahkamasining “Ipoteka-bank” ATIBni xususiylashtirishning qo‘shimcha chora-tadbirlari to‘g‘risida”gi qarori loyihasi e’lon qilindi.

Qaror loyihasi bilan “Ipoteka-bank” ATIB tomonidan xizmat ko‘rsatilayotgan paxta-to‘qimachilik klasterlarini davlat tomonidan qo‘llab-quvvatlashga doir moliyalashtirish xarajatlarini uzluksizligini ta’minlash maqsadida, Qishloq xo‘jaligida iqtisodiy islohotlarni chuqurlashtirish bo‘yicha Respublika komissiyasi, Qishloq xo‘jaligi vazirligi va “O‘zbekiston paxta-to‘qimachilik klasterlari” uyushmasining “Ipoteka-bank” ATIBda xizmat ko‘rsatilayotgan paxta-to‘qimachilik klasterlarining Iqtisodiyot va moliya vazirligi huzuridagi Qishloq xo‘jaligini davlat tomonidan qo‘llab-quvvatlash jamg‘armasi resurslari hisobidan ajratilgan kredit qarzdorliklari boshqa banklarga o‘tkaziladi.

“Ipoteka-bank” ATIBda xizmat ko‘rsatilayotgan paxta-to‘qimachilik klasterlarini keyingi moliyalashtirish boshqa banklar orqali amalga oshiriladi.

Iqtisodiyot va moliya vazirligiga, Qishloq xo‘jaligini davlat tomonidan qo‘llab-quvvatlash jamg‘armasiga “Ipoteka-bank” ATIB tomonidan xizmat ko‘rsatilayotgan paxta-to‘qimachilik klasterlarini keyingi moliyalashtirish uchun boshqa banklarga kredit liniyalari ochishga ruxsat berilmoqda.