12 ta respublika markazining klinikasi ko‘p tarmoqli shifoxonaga aylantiriladi

«Aholi salomatligi-2030» milliy strategiyasining 2024-2026 yillarga mo‘ljallangan amaliy tadbirlar rejasiga ko‘ra, Urologiya, Nefrologiya va buyrak transplantatsiyasi, Ftiziatriya va pulmonologiya, Onkologiya va radiologiya, Neyroxirurgiya, Akusherlik va ginekologiya, Bolalar va kattalar gematologiyasi, Travmatologiya va ortopediya, Dermatovenerologiya va kosmetologiya, Ko‘z mikroxirurgiyasi hamda Kattalar milliy tibbiyot markazlarining klinikalari ro‘yxatdan joy olgan.

Ularni o‘z yo‘nalishlariga mos ravishda ko‘p tarmoqli klinika sifatida qayta tashkil qilish bo‘yicha moliyalashtirish va jihozlash, kerakli mutaxassislar bilan ta’minlash va boshqa zarur tashkiliy chora-tadbirlarni belgilovchi dasturlar ishlab chiqish va tatbiq etish ko‘zda tutilmoqda.

Bunda:

• 2024 yil 3 ta markaz klinikasi;
• 2025 yil 4 ta markaz klinikasi;
• 2026 yil 5 ta markaz klinikasini transformatsiya qilish mo‘ljallanmoqda.