Haftalik doirasida respublikadagi 41 ta teatrning barchasida tashkil etilayotgan tadbirlarga kirish bepul qilib belgilandi.
21–27 mart kunlari “Teatr tomoshalari haftaligi” doirasida “Ochiq eshiklar kuni” e’lon qilingan. Bu haqda Madaniyat vazirligi xabar berdi.
Ma’lum qilinishicha, 21–27 mart kunlari respublika bo‘ylab “Teatr tomoshalari haftaligi” doirasida barcha teatrlarda dekoratsiya va libos ko‘rgazmasi, ijodiy uchrashuvlar, mahorat darslari hamda spektakl va teatrlashtirilgan konsert dasturlari namoyish etilmoqda. Davlat teatrlarida tashkil etilayotgan barcha tadbirlarga tashrif buyurish bepul.
Ma’lumot uchun, prezidentning tegishli qarori hamda YuNeSKO huzuridagi Xalqaro teatr institutining IX kongressida 27 mart Xalqaro teatr kunini O‘zbekistonda keng nishonlash ta’sis etilgan. Shunga ko‘ra, har yili 21–27 mart kunlari “Teatr tomoshalari haftaligi” o‘tkaziladi.
