Shahrisabzda sambochi To‘ra Avloqulov otib ketildi
Qashqadaryoda sambochi To‘ra Avloqulov qo‘lbola usulda yasalgan quroldan olgan jarohati oqibatida shifoxonada vafot etdi. Unga o‘q uzgan fuqaro hodisa joyidan qochmoqchi bo‘lganida IIB tezkor xodimlari tomonidan ushlangan.

Foto: Olamsport
Qashqadaryo viloyatining Shahrisabz shahrida fuqaro o‘ziga avvaldan tanish bo‘lgan sambochi To‘ra Avloqulovni otib qo‘ydi. Hodisa qo‘lbola usulda yasalgan qurolda sodir etilgan.
Bosh prokuraturaning Kun.uz'ga taqdim etgan ma’lumotga ko‘ra, hodisa 2024 yilning 29 mart kuni sodir bo‘lgan.
Shahrisabz shahrida yashovchi fuqaro Damas avtomobilida ketayotganda o‘ziga oldindan tanish bo‘lgan boshqa bir shaxsni ko‘rib qolib, birgalikda kafega borgan va spirtli ichimlik iste’mol qilgan. Ular bir soatlardan so‘ng kafedan chiqib To‘ra Avloqulovni ko‘rib qolgan va uni ham avtomashinaga mindirib, boshqa kafega borgan.
Fuqarolar kafeda pulni to‘lash ustida tortishib qolgan. Fuqaro tanishi To‘ra Avloqulovga yo‘lda kelayotgan paytda 50 ming so‘m pul berganini, shu bois ovqatlanish xarajatini to‘liq to‘lashini aytgan. U hamma pulni to‘lamasligini bildirib, olgan 50 ming so‘m pulini qaytarib bergan. Fuqaro pulni olmasdan, unga jahl qilib, avtomobilidan qo‘lbola usulda yasalgan qurolni olib, sherigining boshiga bir marta o‘q uzgan.
Natijada, To‘ra Avloqulov olgan tan jarohati oqibatida Shahrisabz shahar tibbiyot birlashmasi shoshilinch tez tibbiy yordam bo‘limiga yotqizilgan. Unga o‘q uzgan fuqaro hodisa joyidan qochmoqchi bo‘lib, avtomashinasi bilan ketayotganida hodisa joyidan taxminan 500 metr uzoqlikda tuman IIB tezkor xodimlari tomonidan to‘xtatib qolingan.
Shahrisabz shahar tibbiyot birlashmasi ma’lumotnomasida To‘ra Avloqulovning tanasida og‘ir ochiq teshib o‘tuvchi bosh miya jarohati, bosh miya ichidagi metall va suyak parchalari, chap peshona suyagining parchalanib singan jarohati, chap qosh ustida ezilib yirtilgan ko‘rinishida tan jarohatlari borligi, ahvoli o‘ta og‘ir darajada ekanligi qayd etilgan. U shifoxonada hayotdan ko‘z yumgan.
Holat yuzasidan Shahrisabz tuman prokuraturasi tomonidan fuqaroga nisbatan Jinoyat kodeksining 25,97-moddasi 2-qismi “d” va “l” bandlari (bezorilik oqibatida, boshqa shaxslarning hayoti uchun xavfli bo‘lgan usulda qasddan odam o‘ldirish) bilan jinoyat ishi qo‘zg‘atilgan.
Tavsiya etamiz
Qatiq, murabbo va yadro quroli. Putin yangi filmda nimalar dedi?
Jahon | 21:59 / 06.05.2025
Avtomobil importiga ekosertifikat – utilizatsiyaga qo‘shimcha “bonus”mi?
O‘zbekiston | 20:34 / 06.05.2025
Isroil Suriyani bombaladi. Turkiya nega sukutda?
Jahon | 12:44 / 06.05.2025
May oyida vodiyda me’yorga yaqin harorat kutiladi, mamlakatning katta qismida oy xuddi iyun kabi o‘tadi
O‘zbekiston | 11:17 / 06.05.2025
So‘nggi yangiliklar
-
Hindiston va Pokiston: kimning armiyasi kuchliroq?
Jahon | 19:21
-
Shri-Lankada vertolyot qulashi oqibatida 6 kishi halok bo‘ldi
Jahon | 18:35
-
Xitoyda hayvonlar ovozini inson tiliga o‘giruvchi dastur bo‘yicha ish boshlandi
Fan-texnika | 18:33
-
Jizzaxda fuqaroni Meksika orqali AQShga jo‘natmoqchi bo‘lgan shaxs ushlandi
O‘zbekiston | 18:19
Mavzuga oid

19:54 / 08.05.2025
AQShda salkam 50 yil oldin sodir etilgan qotillik tamaki qutisidagi barmoq izlari orqali fosh qilindi

16:15 / 06.05.2025
Surxondaryoda ruhiy xasta ayol 3 yoshli qizni pichoqladi

15:56 / 15.04.2025
Istanbulda o‘zbekistonlik ayol erini o‘ldirishda gumonlanmoqda

14:15 / 14.04.2025