Dastlab parvozlar har yakshanba kuni amalga oshiriladi. 4 sentabrdan ushbu yo‘nalish bo‘yicha chorshanba kunlari amalga oshiriladigan reyslarni yo‘lga qo‘yish rejalashtirilmoqda.
Foto: Dunyo
Shu yil 30 iyun kunidan boshlab O‘zbekistonning Qanot Sharq aviakompaniyasi Toshkent–Budapesht–Toshkent yo‘nalishi bo‘yicha to‘g‘ridan to‘g‘ri muntazam havo qatnovlarini yo‘lga qo‘yadi.
"Dunyo" xabariga ko‘ra, ushbu kelishuv ikki mamlakat tashqi ishlar va transport vazirliklari o‘rtasida olib borilgan samarali muzokaralar natijasidir.
Dastlab parvozlar har yakshanba kuni amalga oshiriladi. Shuningdek, Qanot Sharq aviakompaniyasi joriy yil 4 sentabrdan boshlab ushbu yo‘nalish bo‘yicha chorshanba kunlari amalga oshiriladigan reyslarni yo‘lga qo‘yishni rejalashtirmoqda.
Toshkent–Budapesht–Toshkent yo‘nalishi bo‘yicha havo qatnovlarining amalga oshirilishi sayyohlar, ishbilarmonlar va talabalar uchun yangi imkoniyatlar ochadi.
