Sport | 14:33 / 14.06.2024
13884
15 daqiqa o‘qiladi

Yevro-2024 tanishtiruvi: Portugaliya va Belgiya guruhlaridagi jamoalar, tarkiblar va o‘yinlar taqvimi

E guruhida Belgiya va Ukraina, F guruhida Portugaliya va Turkiya favorit.

Yevro-2024 o‘yinlar qayerlarda bo‘lib o‘tadi va asosiy sanalar

Futbol bo‘yicha 2024 yilgi Yevropa chempionati 14 iyundan 14 iyulga qadar bo‘lib o‘tadi. Bu safargi o‘yinlarga mamlakatning o‘nta shahri mezbonlik qiladi: poytaxt Berlin, shuningdek, Hamburg, Gelzenkirhen, Dortmund, Dyusseldorf, Kyoln, Leypsig, Myunxen, Frankfurt va Shtutgart.

Yevropa chempionati o‘yinlarini «Olimpiashtadion», «BVB-Shtadion», «Dyusseldorf Arena», «Frankfurt Arena», «Arena AufShalke», «Folksparkshtadion», «Kyoln Shtadion», «Leypsig Shtadium», «Alyans Arena», «Shtutgart Arena» stadionlari qabul qiladi.

Yevro-2024 guruh bosqichi 14 iyunda boshlanib, 26 iyunga qadar davom etadi. Pley-off uchrashuvlari 28 iyun kuni, 1/8 final bosqichidan boshlanadi. Chorak final o‘yinlari 5 va 6 iyul, yarimfinallar — 9 va 10 iyul kunlariga belgilangan. Final 14 iyul kuni Berlindagi «Olimpiashtadion» arenasida o‘tkaziladi.

Yevropaning amaldagi chempioni Italiya milliy jamoasidir. Yevro-2020 finalida italyanlar 11 metrlik zarbalar seriyasida Angliyani mag‘lub etishgan (1:1, penaltilar bo‘yicha — 3:2).

E guruhi jamoalari

Yevro-2024 E guruhidan Slovakiya, Belgiya, Ruminiya, shuningdek Millatlar ligasi pley-off bosqichi orqali chiqqan — Ukraina.

Ukraina milliy jamoasi Sergey Rebrov boshqaruvida saralashnin C guruhida 14 ochko to‘plab, Angliya va Italiyadan keyingi (ochkolar soni teng holatida italyanlar faqat qo‘shimcha ko‘rsatkich bo‘yicha oldinga chiqdi) uchinchi o‘rinni egalladi. Ukrainlar o‘tish o‘yinlari pley-offida Bosniya va  Islandiya to‘sig‘idan o‘tib, Yevropa chempionatining final qismiga yo‘llanma olishdi. Yevro-2020 turnirida ukrainlar milliy jamoasi chorak finalga qadar yetib borib, Angliyaga yirik hisobda (0:4) yutqazgan holda ortga qaytgandi.

Slovakiya milliy jamoasi Franchesko Kalsona boshqaruvida Yevro-2024 saralashining J guruhida ikkinchi o‘rin bilan chiqdi. Yevro-2020 turnirida slovaklar E kvartetida uch ochko bilan uchinchi o‘rinni egallagan va guruhda qolib ketgandi.

Belgiya milliy jamoasi Domeniko Tedesko boshqaruvida Yevro-2024 saralashi F guruhida birinchi o‘rinni egalladi. Oldingi turnirda belgiyaliklar chorakfinalda Italiyaga yutqazgandi (1:2). 

Ruminiya milliy jamoasi Eduard Yordanesku boshchiligida saralashning I guruhida birinchi bo‘ldi. Ruminlar Yevropa chempionatida so‘nggi bor 2016 yilda ishtirok etgan va A guruhida atigi bir ochko olib, guruhdan chiqa olmagandi.

Ukraina milliy jamoasining Yevro-2024 uchun tarkibi

Darvozabonlar: Andrey Lunin («Real»), Anatoliy Trubin («Benfika»), Georgiy Bushchan («Dinamo» Kiyev).

Himoyachilar: Mikola Matviyenko, Yefim Konoplya, Valeriy Bondar (barchasi — «Shaxtyor»), Oleksandr Timchik («Dinamo» Kiyev), Vitaliy Mikolenko («Everton»), Ilya Zabarniy («Bornmut»), Aleksandr Svatok («Dnepr-1»), Maksim Taloverov (LASK), Bogdan Mixaylichenko («Polese»).

Yarimhimoyachilar: Mikola Shaparenko, Andrey Yarmolenko, Vladimir Brajko (barchasi — «Dinamo» Kiyev), Oleksandr Zubkov, Taras Stepanenko, Georgiy Sudakov (barchasi — «Shaxtyor»), Viktor Tsigankov («Jirona»), Oleksandr Zinchenko («Arsenal»), Mixail Mudrik («Chelsi»), Ruslan Malinovskiy («Jyenoa»), Sergey Sidorchuk («Vesterlo»).

Hujumchilar: Roman Yaremchuk («Valensiya»), Artyom Dovbik («Jirona»), Vladislav Vanat («Dinamo» Kiyev).

Slovakiya milliy jamoasining Yevro-2024 uchun tarkibi

Darvozabonlar: Martin Dubravka («Nyukasl»), Marek Rodak («Fulhem»), Genrix Ravas («Nyu Inglend»).

Himoyachilar: Peter Pekarik («Gerta»), Denis Vavro («Kopenhagen»), Milan Shkrinyar («PSJ»), Adam Obert («Kalyari»), Vernon De Marko («Xatta»), Sebastyan Kosha («Spartak» Trnava), Norbert Dember («Salernitana»), David Gansko («Feyyenoord»).

Yarimhimoyachilar: Matush Bero («Boxum»), Yuray Kutska («Slovan»), Tomash Rigo («Banik» Ostrava), Patrik Groshovski («Genk»), Stanislav Lobotka («Napoli»), Ondrey Duda («Verona»), Laslo Benesh («Hamburg»).

Hujumchilar: David Dyurish («Askoli»), Tomash Suslov («Verona»), Ivan Shrans («Slaviya»), Robert Bojyenik («Boavishta»), David Strelets («Slovan» Bratislava), Lyubomir Tupta («Slovan» Liberets), Leo Zauer («Feyyenoord»), Lukash Garaslin («Sparta» Praga).

Belgiya milliy jamoasining Yevro-2024 uchun tarkibi

Darvozabonlar: Kun Kastels («Volfsburg»), Tomas Kaminski («Luton»), Mats Sels («Nottinghem»).

Himoyachilar: Timoti Kastan («Fulhem»), Zeno Debast, Yan Vertongen (ikkisi ham — «Anderleht»), Vaut Fas («Lester»), Artur Teate («Renn»), Toma Mene («Trabzonspor»), Maksim De Keyper («Bryugge»).

Yarimhimoyachilar: Orel Mangala («Nottinghem Forest»), Amadu Onana («Everton»), Yuri Tilemans («Aston Villa»), Artur Vermeren («Antverpen»), Aster Vranks («Volfsburg»), Aksel Vitsel («Atletiko»).

Hujumchilar: Romelu Lukaku («Roma»), Lua Openda («RB Leypsig»), Joan Bakayoko (PSV), Yannik Karrasko («Ash-Shabab»), Jyeremi Doku («Manchester Siti»), Dodi Lukebakio («Sevilya»), Leandro Trossar («Arsenal»).

Ruminiya milliy jamoasining Yevro-2024 uchun tarkibi

Darvozabonlar: Xoratsiu Moldovan («Atletiko»), Florin Nitse («Gaziantep»), Shtefan Tornovanu («Styaua»).

Himoyachilar: Nikushor Banku («Universitatya»), Andrey Burke («Al-Ohdud»), Ionuts Nedelcharu («Palermo»), Adrian Rus («Piza»), Andrey Ratsiu («Rayo Valekano»), Radu Dregushin («Tottenhem»), Vasile Mogosh («ChFR»), Bogdan Rakovitsan («Rakuv»).

Yarimhimoyachilar: Nikolaye Stanchu («Damak»), Rezvan Marin («Empoli»), Aleksandru Chikildeu («Konyaspor»), Yanis Haji («Alaves»), Valentin Mixeyle, Dennis Man (ikkisi ham — «Parma», Italiya), Marius Marin («Piza»), Darius Olaru, Florinel Koman (ikkisi ham — «Styaua»), Deyan Soresku («Gaziantep»), Adrian Shut («ChFR»).

Hujumchilar: Denis Alibek («Al-Muaydar»), Jorjye Pushkash («Bari»), Denis Dragush («Gaziantep»), Daniel Berlidja («ChFR»).

E guruhidagi o‘yinlar taqvimi

17 iyun, dushanba
18:00. Ruminiya — Ukraina (Myunxen)

21:00. Belgiya — Slovakiya (Frankfurt)

21 iyun, juma
18:00. Slovakiya — Ukraina (Dyusseldorf)

22 iyun, shanba
00:00. Belgiya — Ruminiya (Kyoln)

26 iyun, chorshanba
21:00. Slovakiya — Ruminiya (Frankfurt)

21:00. Ukraina — Belgiya (Shtutgart)

F guruhi jamoalari

2024 yilgi Yevropa chempionati F guruhidan Portugaliya, Chexiya, Gurjiston va Turkiya milliy jamoalari o‘rin olgan.

Portugaliya milliy jamoasi bosh murabbiy Roberto Martines bilan saralashning J guruhida birinchi bo‘ldi. Sardori Krishtianu Ronaldu bo‘lgan jamoa o‘n uchrashuvda o‘n g‘alabaga erishib, maksimal ochko jamg‘ardi — 30. Yevro-2020 turnirida portugaliyaliklar amaldagi chempionlar sifatida ishtirok etishgan va turnirni 1/8 finalda Belgiyaga yutqazib (0:1), tark etgandi.

Chexiya milliy jamoasi Yaroslav Shilgava boshqaruvida Yevro-2024 turniriga saralashning E guruhida 15 ochko bilan ikkinchi o‘rinni egallagan holda yo‘llanma olgandi. Ammo Shilgava 2023 yil noyabrida lavozimini tark etdi, uning o‘rniga Ivan Gashek keldi. Yevro-2020 chexlar uchun chorakfinalda, Daniyadan uchralgan mag‘lubiyatdan keyin (1:2) tugagandi.

Gurjiston milliy jamoasi o‘z tarixida ilk bor Yevropa chempionati final bosqichida ishtirok etmoqda. Villi Sanyol boshqaruvidagi jamoa saralashda A guruhida to‘rtinchi o‘rinni egallagandi, ammo Millatlar ligasi pley-offidagi o‘tish o‘yinlari orqali turnirga yo‘llanma oldi. «Napoli» yulduzi Xvicha Kvaratsxeliya yetakchiligidagi jamoa bu o‘yinlarda Lyuksemburg (2:0) va Gretsiyani mag‘lub etdi (0:0, penaltilar bo‘yicha — 4:2).

Vinchenso Montella bosh murabbiy bo‘lgan Turkiya milliy jamoasi Yevro-2024 saralashining D guruhida 17 ochko bilan birinchi bo‘ldi. Yevro-2020 chempionatida turklar A kvartetida Shveytsariya, Uels va Italiya bilan o‘yinlarda birorta ochko ololmagandi.

Portugaliya milliy jamoasining Yevro-2024 uchun tarkibi

39 yoshli Krishtianu Ronaldu — milliy jamoalar darajasidagi o‘yinlar va gollar soni bo‘yicha jahon futboli rekordchisi (207 o‘yin, 130 gol). Forvard faoliyatida oltinchi bor Yevropa chempionatida o‘ynaydi. 2016 yilgi turnir chempioni Germaniyadagi birinchilikda yoshi eng katta sardor hisoblanadi, uning 41 yoshli jamoadoshi Pepe esa — turnirdagi yoshi eng katta futbolchidir.

Darvozabonlar: Diogu Koshta («Portu»), Joze Sa («Vulverhempton»), Ruy Patrisiu («Roma»).

Himoyachilar: Antoniu Silva («Benfika»), Danilo Pereyra, Nunu Mendesh (ikkisi ham — «PSJ»), Diogu Dalo («Manchester Yunayted»), Gonsalu Inasiu («Sporting»), Joau Kanselu («Barselona»), Nelson Semedu («Vulverhempton»), Pepe («Portu»), Ruben Diash («Manchester Siti»).

Yarimhimoyachilar: Brunu Fernandesh («Manchester Yunayted»), Joau Nevesh («Benfika»), Joau Palinya («Fulhem»), Otavio («An-Nasr»), Ruben Nevesh («Al-Hilol»), Vitinya («PSJ»).

Hujumchilar: Bernardu Silva («Manchester Siti»), Krishtianu Ronaldu («An-Nasr»), Diogu Jota («Liverpul»), Fransishku Konseysau («Portu»), Gonsalu Ramush («PSJ»), Joau Feliks («Barselona»), Pedru Netu («Vulverhempton»), Rafael Leau («Milan»).

Chexiya milliy jamoasining Yevro-2024 uchun tarkibi

Darvozabonlar: Yindrjix Shtanek («Slaviya»), Matey Kovarj («Bayyer»), Vitezslav Yarosh («Shturm»).

Himoyachilar: Tomash Golesh, Tomash Vichek, David Doudera, David Zima (barchasi — «Slaviya»), Ladislav Kreychi, Martin Vitik (ikkisi — «Sparta»), Robin Granach («Viktoriya»), Vladimir Tsoufal («Vest Hem»), David Yurasek («Hoffenhaym»).

Yarimhimoyachilar: Lukash Provod, Matey Yurasek (ikkisi ham — «Slaviya»), Pavel Shuls, Lukash Cherv (ikkisi ham — «Viktoriya»), Tomash Souchek («Vest Hem»), Antonin Barak («Fiorentina»), Mixal Sadilek («Tvente»), Vatslav Cherni («Volfsburg»), Ondrjyey Lingr («Feyyenord»).

Hujumchilar: Patrik Shik, Adam Glojyek (ikkisi ham — «Bayyer»), Tomash Xori («Viktoriya»), Moymir Hitil («Slaviya»), Yan Kuxta («Sparta»).

Gurjiston milliy jamoasining Yevro-2024 uchun tarkibi

Darvozabonlar: Georgiy Mamardashvili («Valensiya»), Georgiy Loriya («Dinamo»), Luka Gugeshashvili («Qorabog‘»).

Himoyachilar: Solomon Kverkveliya («Al-Uhdud»), Georgiy Gvelesiani («Persepolis»), Guram Kashiya («Slovan»), Djyemal Tabidze («Panetolikos»), Lasha Dvali (APOEL), Luka Lochoshvili («Kremoneze»), Otar Kakabadze («Krakoviya»), Georgiy Gocholeishvili («Shaxtyor»).

Yarimhimoyachilar: Nika Kvekveskiri («Lex»), Georgiy Chakvetadze («Uotford»), Anzor Mekvabishvili («Universitatya»), Gabriyel Sigua («Bazel»), Otar Kiteishvili («Shturm»), Georgiy Kochorashvili («Levante»), Levan Shengeliya («Panetolikos»), Sandro Altunashvili («Volsfsberg»), Saba Lobjanidze («Atlanta»), Georgiy Tsitaishvili («Dinamo», Batumi).

Hujumchilar: Jorj Mikutadze («Mets»), Budu Zivzivadze («Karlsrue»), Xvicha Kvaratsxeliya («Napoli»), Zuriko Davitashvili («Bordo»), Georgiy Kvilitaya (APOEL).

Turkiya milliy jamoasining Yevro-2024 uchun tarkibi

Darvozabonlar: Altay Bayindyr («Manchester Yunayted»), Mert Gunok («Beshiktosh»), Ugurjan Chaqir («Trabzonspor»).

Himoyachilar: Mert Muldur («Fenerbahche»), Zeki Chelik («Roma»), Abdulkarim Bardakchi («Galatasaroy»), Ahmetjan Kaplan («Ayaks»), Merix Demiral («Al-Ahli»), Samet Oqoydin («Panatinaikos»), Ferdi Kadio‘g‘li («Fenerbahche»).

Yarimhimoyachilar: Xoqon Chalxono‘g‘li («Inter»), Ismoil Yuksek («Fenerbahche»), Kaan Oyxon («Galatasaroy»), Okay Yokushlu («Vest Bromvich»), Orkun Kekchyu («Benfika»), Solih O‘zjan («Borussiya» Dortmund).

Hujumchilar: Irfan Jan Qahvachi («Fenerbahche»), Yunus Oqgun («Lester»), Kenan Yildiz («Yuventus»), Kerem Muhammad Oqturko‘g‘li («Galatasaroy»), Arda Guler («Real»), Barish Alper Yilmaz («Galatasaroy»), Bertug O‘zgur Yildirim («Renn»), Jyenk To‘sun («Beshiktosh»), Semih Qilichsoy («Beshiktosh»), Yusuf Yaziji («Lill»).

F guruhidagi o‘yinlar taqvimi

18 iyun, seshanba
21:00. Turkiya — Gurjiston (Dortmund)

00:00. Portugaliya — Chexiya (Leypsig)

22 iyun, shanba
18:00. Gurjiston — Chexiya (Hamburg)

21:00. Turkiya — Portugaliya (Dortmund)

26 iyun, chorshanba
00:00. Gurjiston — Portugaliya (Gelzenkirhen)

00:00. Chexiya — Turkiya (Hamburg)

Mavzuga oid