Qoʻshimcha funksionallar
-
Tungi ko‘rinish
Yunusobodda suv quvuridagi avariya sabab ayrim ko‘chalarda transport harakati cheklandi
Avtobuslar harakatida ham vaqtincha kechikishlar bo‘lishi ma’lum qilindi.
Foto: Toshshahartransxizmat
Poytaxtning Yunusobod tumani Yuqori Qoraqamish va Moyqo‘rg‘on ko‘chalarida suv quvuri yorilib toshganligi sabab avtotransport vositalari harakati vaqtinchalik cheklanmoqda. Bu haqda “Toshshahartransxizmat” matbuot xizmati xabar berdi.
Qayd etilishicha, mazkur ko‘chalarda transport harakati vaqtincha to‘xtatiladi. Shuningdek, shu ko‘chalardan harakatlanuvchi 6, 24 va 142-sonli avtobus yo‘nalishlarining qatnov va oraliq interval vaqtlari reja asosida tashkil etilishida vaqtincha uzilishlar kuzatiladi.
Avvalroq tumandagi d1200mm katta suv o‘tkazgich tarmog‘ida avariya yuz bergani, buning oqibatida ko‘chalarni suv bosgani haqida xabar berilgandi.
“O‘zsuvta’minot”ning ma’lum qilishicha, ayni damda avariya oqibatlarini bartaraf etish ishlari olib borilmoqda.
Mavzuga oid
18:49
Botanika bog‘i hududida velosiped va samokatlar harakatlanishi taqiqlandi
16:48
Havo sifati yomonlashganda davlat xizmatchilari uydan ishlashga o‘tkazilishi mumkin
15:29
Toshkentda kutilayotgan eko-obektlar: jamoat parki, sun’iy ko‘llar, dendrologiya bog‘lari va OTMda favvoralar
17:24 / 30.03.2026