Sirdaryoda “Kamaz” yuk mashinasi yonib ketdi
Yong‘in “Kamaz” harakatlanayotganda sodir bo‘lgan va yuk mashinasining saloni, to‘rtta shinasi hamda kuzovining bir qismi yonib ketgan.
Sirdaryo viloyati Mirzaobod tumanida “Kamaz” yuk mashinasi yonib ketgan. Viloyat Favqulodda vaziyatlar boshqarmasining xabar berishicha, hodisa 2024 yil 9 iyul kuni sodir bo‘lgan.
Shu kuni soat 22:08 da M-39 Toshkent-Termiz avtomobil yo‘lining Mirzaobod tumani “Oqoltin” MFY hududidan o‘tuvchi qismida harakatlanayotgan “Kamaz” yuk mashinasida yong‘in sodir bo‘lgan.
Oqibatda, yuk mashinasining salon qismi, 4 ta balloni hamda kuzovi qisman yongan. Ko‘rilgan tezkor choralar natijasida yong‘in soat 22:36 da o‘chirilgan. Hozirda yong‘in sababi va moddiy zarar miqdori aniqlanmoqda.
Qayd etilishicha, hodisada hech kim tan jarohati olmagan va halok bo‘lmagan.
“Barcha haydovchilardan, avtomashinalarini o‘z vaqtida texnik ko‘rikdan o‘tkazishlarini va yo‘l-harakati qoidalariga rioya qilishlarini so‘rab qolamiz”, deyiladi xabarda.
Mavzuga oid
19:16 / 20.10.2024
Toshkentdagi bir nechta xonadonda yong‘in sodir bo‘ldi
18:35 / 16.10.2024
Toshkentdagi Miran mehmonxonasi hududida yong‘in chiqdi
19:05 / 14.10.2024
Sobiq IIB xodimi umrbodga hukm qilindi. U uch kishini o‘ldirgan
17:28 / 13.10.2024