Haydovchilik guvohnomasi bo‘lmagan Damas haydovchisi 14 nafar yo‘lovchini olib ketayotgani aniqlandi

Jizzax viloyatida haydovchilik guvohnomasiga ega bo‘lmagan Damas haydovchisi 14 nafar yo‘lovchini olib ketayotgani aniqlandi. 

IIV Yo‘l harakati xavfsizligi xizmati xabariga ko‘ra, YHXB xodimlari tomonidan haydovchiga nisbatan ma’muriy huquqbuzarlik to‘g‘risida bayonnoma tuzilib, avtomashina jarima maydonchasiga qo‘yilgan.

Ma’lumot uchun, Damas avtomobili aslida 7 nafar yo‘lovchiga mo‘ljallangan.

O‘zbekistonda bu kabi qoidabuzarliklar keng tarqalgan. Ko‘pincha bolalar bog‘chasi tarbiyalanuvchilari hududlarda Damas’da tashiladi.