Polshada o‘smirlarni pichoqladi deyilgan o‘zbekistonlik yigit aslida jabrlanuvchi bo‘lib chiqdi

Avvalroq Polsha poytaxti Varshavada o‘zbekistonlik yigit ikki o‘smirni pichoqlab, ularga jarohat yetkazgani haqida xabar berilgandi. O‘shanda yigit o‘zini himoya qilish uchun shu ishga qo‘l urgani oydinlashdi. Bu haqda O‘zbekistonning Polshadagi elchixonasi xabar bermoqda.

Ma’lum qilinishicha, elchixona bu ishga oydinlik kiritish va O‘zbekiston fuqarosi bo‘lgan shaxsga huquqiy yordam ko‘rsatish maqsadida Varshava huquq-targ‘ibot idoralari bilan muloqot olib borgan.

Shunda 1998 yilda tug‘ilgan O‘zbekiston fuqarosi ovqat yetkazib berish xizmatida ishlab kelgan M.K. ekani va yigit internet orqali bir qiz bilan tanishib, firibgarlarning tuzog‘iga tushgani aniqlangan.

Voqea Varshava shahridagi Brodnensk bog‘ida bo‘lgan. Qiz yigitni tunash maqsadida o‘zining hamyurtlari oldiga olib kelgan. O‘zbekiston fuqarosi ikki o‘smir kaltaklay boshlagach o‘zini himoya qilgan.

Politsiya ma’lumotiga ko‘ra, M.K. hozirda jabrlanuvchi sifatida ko‘rsatma bermoqda va bugun, 24 iyul kuni tergovdan so‘ng qo‘yib yuboriladi. Holat diplomatik vakolatxona nazoratiga olingan.