Joriy yilning 7 oyida davlat budjeti daromadlari 137,6 trln söm, xarajatlari esa 174,1 trln sömni taşkil etib, taqçillik 36,5 trln sömga yetgan. Bu haqda Iqtisodiyot va moliya vazirligi ma’lum qildi.

Vazirlik oçiqlagan ma’lumotlarga köra:

  • yanvar oyida davlat budjeti daromadlari – 16 trln 159,9 mlrd sömni, xarajatlari esa – 21 trln 926,7 mlrd sömni taşkil etgan. Budjet daromadlari va xarajatlari örtasidagi farq 5 trln 766,8 mlrd söm.
  • fevral oyida davlat budjeti daromadlari – 16 trln 908,9 mlrd söm, xarajatlari esa – 24 trln 137,1 mlrd söm bölgan. Salbiy farq – 7 trln 228,1 mlrd söm;
  • mart oyida davlat budjeti daromadlari – 17 trln 457,2 mlrd söm, xarajatlari esa 24 trln 307,1 mlrd söm bölgan. Salbiy farq – 6 trln 850 mlrd söm;
  • aprel oyida davlat budjeti daromadlari – 19 trln 286,1 mlrd söm, xarajatlari esa 25 trln 27,2 mlrd söm bölgan. Salbiy farq – 5 trln 741,1 mlrd söm;
  • may oyida davlat budjeti daromadlari – 22 trln 749 mlrd söm, xarajatlari esa 26 trln 565,2 mlrd söm bölgan. Salbiy farq – 3 trln 816,2 mlrd söm;
  • iyun oyida davlat budjeti daromadlari – 23 trln 233,4 mlrd söm, xarajatlari esa 27 trln 879,9 mlrd söm bölgan. Salbiy farq – 4 trln 646,5 mlrd söm;
  • iyul oyida davlat budjyeti daromadlari – 21 trln 815 mlrd söm, xarajatlari esa 24 trln 332 mlrd söm bölgan. Salbiy farq – 2 trln 517 mlrd söm.

Ma’lumot uçun, 2024 yil uçun davlat budjeti haqidagi qonunga köra, davlat budjeti daromadlari 270,4 trln söm, xarajatlari esa 280,7 trln sömni taşkil etişi prognoz qilingan.

Konsolidatsiyalaşgan budjet (davlat budjetidan taşqari, davlat maqsadli jamğarmalari, Tiklaniş va taraqqiyot jamğarmasi hamda budjyet taşkilotlarining budjyetdan taşqari jamğarmalarini ham öz içiga oladi) defitsiti 52,6 trln söm yoki YaIMga nisbatan 4 foiz darajasida çegaralangan.

Avvalroq gaz uçun 2024 yilga ajratilgan subsidiyalar yarim yilda işlatib bölingani haqida xabar berilgandi.