Donbassga kelgan mahbuslar batalyoni va Krasnohorivka xarobalari. Urush suratlari
Krasnohorivka qariyb butkul vayron bo‘lgan va rus qo‘shini tomonidan egallangan. Quyida ushbu o‘lik shaharning qush parvozi balandligidan ko‘rinishi aks etgan suratlar
Donetsk aglomeratsiyasiga mansub bo‘lgan Krasnohorivka shahri Maryinka shahridan shimolda joylashgan. 2014 yildan buyon u Ukraina qurolli kuchlari hamda o‘zini o‘zi e’lon qilgan DXR harbiy tuzilmalari o‘rtasidagi janglar markazida qolgan. Rossiyaning keng ko‘lamli bosqini boshlanganida Krasnohorivka Ukraina nazoratida edi, urushgacha shaharda 15 mingga yaqin kishi yashagan. Rossiya armiyasi 2024 yil fevralida Krasnohorivka tomon yurish boshladi. Yozga kelib shahar amalda to‘liq vayron qilindi.
Hozirda RF qo‘shini Krasnohorivkani egallash jarayonini yakunlamoqda, Ukraina mudofaa vazirligiga yaqin bo‘lgan DeepState loyihasi ma’lumotiga ko‘ra, RF qo‘shini Krasnohorivkaning shimoliy chekkalarida oldinga yurmoqda. Pablik e’lon qilgan xaritaga ko‘ra, shaharning katta qismi Rossiya qo‘shinlari tomonidan nazorat qilinmoqda.
Fotograf Konstantin Liberov rossiyaliklarning og‘ir artilleriya va boshqariluvchi aviabombalaridan vayron bo‘lgan Krasnohorivkaning dron orqali olingan suratlarini namoyish etdi.
![](https://storage.kun.uz/source/uploads/2024/70trr0w01.jpg)
Kostiantyn Liberov / Libkos / Getty Images
![](https://storage.kun.uz/source/uploads/2024/70trr0w02.jpg)
Kostiantyn Liberov / Libkos / Getty Images
![](https://storage.kun.uz/source/uploads/2024/70trr0w03.jpg)
![](https://storage.kun.uz/source/uploads/2024/70trr0w04.jpg)
![](https://storage.kun.uz/source/uploads/2024/70trr0w05.jpg)
![](https://storage.kun.uz/source/uploads/2024/70trr0w06.jpg)
Kostiantyn Liberov / Libkos / Getty Images
![](https://storage.kun.uz/source/uploads/2024/70trr0w07.jpg)
Kostiantyn Liberov / Libkos / Getty Images
![](https://storage.kun.uz/source/uploads/2024/70trr0w08.jpg)
Kostiantyn Liberov / Libkos / Getty Images
Rossiyalik harbiylar Dniproda ukrainlarning «Baba-yaga» bombardimonchi droni va suvusti dronlarining muqobillarini sinovdan o‘tkazmoqda
Rossiyalik harbiylar Xerson oblasti hududidan o‘tgan Dnipro daryosi quyi oqimidagi orollarda sinovdan o‘tkazilayotgan dronlarni namoyish etdi. Yirik kvadrokopterlar va geksakopterlar ukrainlarning «Baba-yaga» dronlarini (bu rossiyaliklar bergan laqab; Ukrainada bu dronlarni Vampire deb atashadi) eslatadi.
Ko‘p yuk ko‘tarish va uzoqqa uchish imkoniyatiga ega bo‘lgan bunday dronlar xitoyliklar ishlab chiqargan qishloq xo‘jalik dronlari asosida yasalgan. Ular keng ko‘lamli vazifalarni bajaradi: yuklarni oldingi chiziqqa yetkazib berish, signallarni ularning uzoqroq masofaga harakatlanishi uchun kichik dronlarga retranslyatorlik qilish, shuningdek og‘ir bombardimonchilar sifatida — ular rossiyaliklarning pozitsiyalari ustiga tankka qarshi kuchli minalar hamda artilleriya snaryadlarini ham tashlashi mumkin.
Rossiya armiyasi bunday klassdagi dronlarga ko‘p miqdorda ega emas. Bu gapni suvusti pilotsiz apparatlari haqida ham aytish mumkin. RF QK Dniproda pilotsiz katerlarni ham sinovdan o‘tkazmoqda.
![](https://storage.kun.uz/source/uploads/2024/70trr0w09.jpg)
Aleksey Konovalov / TASS / Profimedia
![](https://storage.kun.uz/source/uploads/2024/70trr0w010.jpg)
![](https://storage.kun.uz/source/uploads/2024/70trr0w011.jpg)
![](https://storage.kun.uz/source/uploads/2024/70trr0w012.jpg)
Aleksey Konovalov / TASS / Profimedia
![](https://storage.kun.uz/source/uploads/2024/70trr0w013.jpg)
Aleksey Konovalov / TASS / Profimedia
![](https://storage.kun.uz/source/uploads/2024/70trr0w014.jpg)
Aleksey Konovalov / TASS / Profimedia
![](https://storage.kun.uz/source/uploads/2024/70trr0w015.jpg)
Aleksey Konovalov / TASS / Profimedia
Donbassda ukrain mahbuslaridan tuzilgan «Shkval» batalyoni frontga yo‘l olishga tayyorlanmoqda
Ukraina qurolli kuchlari tarkibida sobiq mahbuslardan tuzilgan «Shkval» batalyoni tuzildi. May oyida Oliy Rada og‘ir bo‘lmagan jinoyatlarni sodir etgani uchun qamalganlarni safarbar etishga ruxsat beruvchi qonunni qabul qilgandi. Frontga borishni istagan mahbuslar sudning shartli ravishda ozod etish to‘g‘risidagi qarorini olib, tibbiy komissiyadan o‘tishi kerak.
Bunday amaliyot RF qurolli kuchlarida ham mavjud, ammo ukrain rasmiylari mahbuslarni yollashga turlicha yondashilayotganiga e’tibor qaratgan. «Bizda ko‘ngilli sxema, biznikilarni hech kim majburlamaydi, Rossiyada esa barchani majbur qilishadi. Ularda hech kimni tayyorgarlikdan o‘tkazishmaydi. Tayyorgarliksiz ular shunchaki „to‘p yemi“» — degan Ukraina adliya vaziri Denis Malyuska BBC uchun intervyuda. Uning so‘zlariga ko‘ra, ukrain qamoqxonalarida jami 10-20 ming kishi safarbar etilishi mumkin.
Quyidagi suratlarda — «Shkval» maxsus batalyoni askarlari Ukraina qurolli kuchlari 28-alohida mexanizatsiyalashgan brigadasi tarkibida mashg‘ulot o‘tkazishi aks etgan. Kadrlar 26 iyul kuni Donetsk oblastida olingan.
Iyul oyi o‘rtalarida rossiyalik harbiylashgan blogerlar va propagandachilar ukrainalik ilk mahbuslar frontda paydo bo‘lgani va hatto asir tushgani haqida xabar bergandi. Ularning ma’lumotiga ko‘ra, «Shkval» Donetsk oblastidagi Novoselovka Pervaya qishlog‘i hududida «Magura» nomli 47-alohida mexanizatsiyalashgan brigada tarkibida shturm harakatlarida ishtirok etgan.
Shuningdek, Ukraina QK 24-mexanizatsiyalashgan brigadasi tarkibida sobiq mahbuslardan iborat «Xarakterniki» nomli yana bir maxsus bo‘linma paydo bo‘lgan.
![](https://storage.kun.uz/source/uploads/2024/70trr0w016.jpg)
Anatolii Stepanov / AFP / Scanpix / LETA
![](https://storage.kun.uz/source/uploads/2024/70trr0w017.jpg)
Anatolii Stepanov / AFP / Scanpix / LETA
![](https://storage.kun.uz/source/uploads/2024/70trr0w018.jpg)
Anatolii Stepanov / AFP / Scanpix / LETA
![](https://storage.kun.uz/source/uploads/2024/70trr0w019.jpg)
Anatolii Stepanov / AFP / Scanpix / LETA
![](https://storage.kun.uz/source/uploads/2024/70trr0w020.jpg)
Anatolii Stepanov / AFP / Scanpix / LETA
Donetsk oblastida zarbalar ostida yashayotgan shaharlar
Rossiya qo‘shini Ukraina frontlarida, jumladan Donetsk oblastida yurishini davom ettirmoqda. RF armiyasining asosiy zarbasi Donbass markazida, Chasiv Yardan Krasnohorivkaga qadar cho‘ziladigan yuz kilometrlik duga bo‘ylab berilmoqda. Harbiy harakatlarga qaramay, front chizig‘i yaqinida joylashgan ayrim aholi yashash punktlarida odamlar yashashi davom etmoqda. Aholi yashash uylari va boshqa binolar, jumladan ibodatxonalar (birgina Donetsk oblastida Rossiya bosqini davrida 110 dan ortiq diniy binolar shikastlangan) zarba ostida qolmoqda. Quyida front bo‘yidagi shaharlar hayoti aks etgan suratlar.
![](https://storage.kun.uz/source/uploads/2024/70trr0w021.jpg)
Kostiantyn Liberov / Libkos / Getty Images
![](https://storage.kun.uz/source/uploads/2024/70trr0w022.jpg)
Vlada Liberova / Libkos / Getty Images
![](https://storage.kun.uz/source/uploads/2024/70trr0w023.jpg)
Kostiantyn Liberov / Libkos / Getty Images
![](https://storage.kun.uz/source/uploads/2024/70trr0w024.jpg)
Kostiantyn Liberov / Libkos / Getty Images
![](https://storage.kun.uz/source/uploads/2024/70trr0w025.jpg)
Kostiantyn Liberov / Libkos / Getty Images
![](https://storage.kun.uz/source/uploads/2024/70trr0w026.jpg)
Kostiantyn Liberov / Libkos / Getty Images
Xarkiv oblasti ikki yil oldin ozod etilgandi, ammo hamon minalardan tozalanmagan
Ukraina hukumati aprel oyida hududni minalardan tozalash ishlariga ko‘proq ayollarni jalb etishni rejalashtirayotganini ma’lum qilgandi: o‘shanda, bosh vazirning birinchi o‘rinbosari — iqtisodiyot vaziri Yuliya Sviridenkoning so‘zlariga ko‘ra, Ukraina qurolli kuchlari sapyorlari safida ayollar 30 foizni tashkil etayotgandi. Iyun oyida fransuzlarning LʼExpress jurnali ukrain armiyasi yoppasiga sapyor ayollarni yollayotgani haqida xabar bergandi. Nashrning yozishicha, 2018 yilga qadar ukrain ayollari bu mutaxassislik bo‘yicha ishlashi taqiqlangandi.
Quyidagi fotosuratlarda politsiya sapyorlari Xarkiv oblasti Chkalovske posyolkasini minalardan tozalashi aks etgan. Bu bo‘linmada ayollar ham xizmat qiladi: Svetlana Mixaylichenko va Tatyana Levitskaya, ikkisi ham — mayor maqomida. Chkalovske 2022 yil fevralidan sentabrga qadar Rossiya okkupatsiyasi ostida bo‘lgan. Xarkiv oblastida yashovchilar aytishicha, rossiyalik harbiylar chekinayotganida o‘z minalarini zararsizlantirmagan, ular haqida mahalliy aholi vakillariga ma’lum qilmagan va minalangan uchastkalar xaritasini qoldirmagan.
![](https://storage.kun.uz/source/uploads/2024/70trr0w027.jpg)
Narciso Contreras / Anadolu / ABACAPRESS / ddp/ Vida Press
![](https://storage.kun.uz/source/uploads/2024/70trr0w028.jpg)
Narciso Contreras / Anadolu / ABACAPRESS / ddp / Vida Press
![](https://storage.kun.uz/source/uploads/2024/70trr0w029.jpg)
Narciso Contreras / Anadolu / ABACAPRESS / ddp / Vida Press
![](https://storage.kun.uz/source/uploads/2024/70trr0w030.jpg)
Narciso Contreras / Anadolu / ABACAPRESS / ddp / Vida Press
![](https://storage.kun.uz/source/uploads/2024/70trr0w031.jpg)
Narciso Contreras / Anadolu / ABACAPRESS / ddp / Vida Press
Mavzuga oid
![](https://storage.kun.uz/source/thumbnails/_medium/10/x8YWzMV_zcK5NZW-IRAvWpcCpvEObviw_medium.jpg)
09:59
Blinken: AQSh Kiyevga 717 mln dollarlik gumanitar yordam ajratadi
![](https://storage.kun.uz/source/thumbnails/_medium/10/tDKLryMJjxGURnIPDYX6wwbJolcpnxTE_medium.jpg)
00:06
Erdo‘g‘an: Turkiya hech qachon Qrim anneksiyasini tan olmaydi
![](https://storage.kun.uz/source/thumbnails/_medium/10/a-mMo-ABLqvniO2Grwr_9Lcga-akaaDy_medium.jpg)
11:30 / 11.09.2024
Respublikachilar Ukrainaning Rossiyaga zarba berishiga qo‘yilgan cheklovlarni bekor qilishga chaqirdi
![](https://storage.kun.uz/source/thumbnails/_medium/10/I9xIz90EDA5SBIT3CyPC0L5GJ6uvpaCD_medium.jpg)
16:36 / 10.09.2024