Qachon va qayerda

FIFA tomonidan 10-bor tashkil etilayotgan musobaqa 14 sentabrdan start oladi va 6 oktyabr kuni final bahsi o‘tkaziladi. Uchrashuvlarga Toshkent, Andijon va Buxoro shaharlari mezbonlik qiladi. Jahon chempionati o‘yinlari uchun chiqarilgan chiptalarni futsal2024.uz saytidan xarid qilish mumkin.

Musobaqa formati

Har bir guruhning eng yaxshi ikki jamoasi va uchinchi o‘rinni egallagan to‘rtta eng yaxshi jamoa pley-off bosqichiga chiqadi. Shundan so‘ng, nimchorak final, chorakfinal, yarimfinal, uchinchi o‘rin uchun pley-off va final o‘yinlari bo‘lib o‘tadi.

Jahon Chempionati g‘oliblari

Hozirgacha turnirda eng ko‘p marta Braziliya chempion bo‘lgan – 5 marta (1989; 1992; 1996; 2008; 2012 yillar). Ispaniya ikki karra chempion sanaladi (2000; 2004). 2016 yil Argentina g‘oliblikni qo‘lga kiritgan bo‘lsa, amaldagi jahon chempioni Portugaliya sanaladi. Ular 2021 yilgi JCh oltin medaliga ega chiqishgan.

O‘zbekiston milliy jamoasi guruhi va tarkibi

O‘zbekiston futzal milliy jamoasi bosh murabbiyi Xose Venansio Lopes jahon chempionati uchun yakuniy tarkibni e’lon qildi.

Jamoa sardori Dilshod Rahmatov  jarohati sabab musobaqani o‘tkazib yuboradigan bo‘ldi. Bungacha asosiy tarkib a’zolaridan Ravshan Eliboyev, Davron Choriyev va Sunnat Jo‘rayev ham jarohat olib, safdan chiqishgandi.

Milliy jamoamiz 2021 yil Litvada o‘tgan JChda 1/8 finalda Eronga yutqazib (8:9), turnirni tark etgandi. Bu safar jamoa oldiga ushbu natijani yaxshilash vazifasi qo‘yilgan. O‘zbekiston joy olgan A guruhidan Niderlandiya, Paragvay va Kosta Rika o‘rin olgan bo‘lib, vakillarimizning birinchi o‘yini 14 sentabr kuni Niderlandiyaga qarshi o‘tkaziladi.

O‘zbekiston milliy jamoasining JCh uchun tarkibi: