Samarqandda sodir bo‘lgan YTHda Lacetti haydovchisi halok bo‘ldi

Samarqand shahrida uchta mashina ishtirokida yo‘l-transport hodisasi sodir bo‘ldi. Viloyat IIB YHXB axborot xizmatining xabar berishicha, hodisa 2024 yil 10 oktyabr kuni soat 01:00 larda ro‘y bergan.

Haydovchi Range Rover mashinasini Buyuk Ipak yo‘li ko‘chasida yuqori tezlikda boshqarib kelib boshqaruvni yo‘qotgan.

Shunda Range Rover o‘zi bilan bir yo‘nalishda ketayotgan Lacetti’ning orqa tomonidan, so‘ng yo‘l chetida to‘xtab turgan Damas’ga kelib urilgan.

Oqibatda Lacetti haydovchisi og‘ir tan jarohatlari olib shifoxonada vafot etgan.

Qayd etilishicha, holat yuzasidan Samarqand shahri bo‘yicha IIO FMB tergov bo‘limi tomonidan jinoyat ishi qo‘zg‘atilgan. Hozirda dastlabki tergov harakatlari olib borilmoqda.