Farg‘onada sodir bo‘lgan YTHda skuter haydovchisi halok bo‘ldi

Farg‘ona viloyati Quva tumanida Damas mashinasi skuterda ketayotgan odamni urib yuborgan. Bu haqda IIV YHXBB xabar bermoqda.

“Bu kun” informatsion dasturida berilgan lavhada aytilishicha, skuter boshqarib ketayotgan 59 yoshli fuqaro Quva tumani Toshkent mahallasida to‘satdan yo‘lning belgilanmagan qismidan qatnov qismiga chiqqan.

Shunda uni Damas mashinasi urib ketgan. Oqibatda skuter haydovchisi og‘ir tan jarohatlari olgan va shifokorlarning muolajasiga qaramasdan shifoxonada vafot etgan.