Kuvayt O‘zbekistonda kimyo sanoatida qo‘shma loyihalarga qiziqish bildiryapti

Mamlakat elchixonasi ko‘magida O‘zbekiston Investitsiyalar, sanoat va savdo vazirligi, "O‘zkimyosanoat" kompaniyasi vakillari hamda Kuvaytning EPSCO kompaniyasi boshqaruv kengashi raisi Alaa Hasan o‘rtasida onlayn uchrashuv tashkil etildi.

Foto: AP

Unda O‘zbekiston va Kuvayt o‘rtasida investitsiyalar almashuvini faollashtirish, EPSCO kompaniyasining qo‘shma loyihalarni amalga oshirish imkoniyatlari muhokama qilindi.

Kuvayt tomoni uchun O‘zbekistonning savdo-iqtisodiy va investitsiyaviy salohiyati haqida taqdimot o‘tkazildi.

EPSCO kompaniyasi rahbariyati tibbiy sanoat uchun etanol, sanitariya va dezinfeksiya mahsulotlari ishlab chiqarish hamda kimyo sanoatida hamkorlik qilishga qiziqish bildirdi.

Muzokaralar yakunida taklif etilgan loyihalar bilan bevosita tanish maqsadida kompaniya delegatsiyasining O‘zbekistonga ishchi safarini tashkil etish kelishib olindi.