Anqara: Mintaqaviy tinchlik yo‘lidagi asosiy to‘siq Netanyahu va uning harbiy kabinetidir
Turkiya Tashqi ishlar vazirligi Isroil ma’muriyatining Anqara va BMTga hujumi kutilmagan holat emasligini aytdi.
Isroil ma’muriyatining Turkiya va BMTga hujumi kutilmagan holat emas. Mintaqaviy tinchlik yo‘lidagi asosiy to‘siq Isroil bosh vaziri Benyamin Netanyahu va uning harbiy kabinetidir. Bu haqda Turkiya tashqi ishlar vazirligi X ijtimoiy tarmog‘ida ma’lum qildi.
«Xalqaro huquq va me’yorlardan qat’i nazar, G‘azoda 40 mingdan ortiq tinch aholini o‘ldirgan, butun dunyo oldida genotsid sodir etgan, faqat qirg‘in keltirayotgan qonli Isroil hukumati. Davlat terrorizmi bizni mamlakatimiz va BMTga qarshi hujumlar bilan ajablantirmaydi», — deya ma’lum qildi TIV.
Unda ta’kidlanishicha, bunday bayonotlar «Falastin, Livan va Suriyada davlat terrorizmini qo‘llayotgan Isroil»ning nochorligi hamda xalqaro yakkalanib qolganligining namoyishidir.
«Mintaqaviy tinchlik yo‘lidagi asosiy to‘siq Netanyahu va uning harbiy kabinetidir», deyiladi hisobotda.
«Biz Isroil tashqi ishlar vaziri Israel Katsning shaxsiy manfaatlarini ko‘zlab ilgari surgan asossiz ayblovlariga ahamiyat bermaymiz, chunki Netanyahu hukumati o‘zining siyosiy mavjudligini uzaytirishga urinib, urushni butun mintaqaga tarqatishga urinyapti», — deb ta’kidladi idora.
Mavzuga oid
12:10
Turkiya HHK Iroq shimolidagi 34 ta obektni yo‘q qildi
22:10 / 25.10.2024
Turkiya poytaxtida terakt uyushtirganlarning shaxsi aniqlandi
14:30 / 25.10.2024
TUSAŞ bosh direktori: Turkiya mudofaa sanoati rivojiga hech qanday hujum to‘sqinlik qilolmaydi
21:06 / 24.10.2024